ଟାୟାର ନେଲା ଜୀବନ ! ରାସ୍ତାରେ ଟଳି ପଡିଲେ ବ୍ୟକ୍ତି

ଚେନ୍ନାଇ: ମୃତ୍ୟୁର ଛାତିଥରା ଦୃଶ୍ୟ । ଚାହୁଁ ଚାହୁଁ ଚାଲିଗଲା ଜୀବନ । ଏକ ଟ୍ରକର ଟାୟାର ଗାଡିରୁ ବାହାରିଯାଇ ଜଣେ ବ୍ୟକ୍ତିଙ୍କ ଦେହରେ ପିଟି ହୋଇଥିଲା । ଫଳରେ ତାଙ୍କର ମୃତ୍ୟୁ ହୋଇଛି । ତେବେ ମୃତ୍ୟୁର ପୁରା ଘଟଣା (CCTV) ସିସିଟିଭିରେ କଏଦ ହୋଇଛି । ମୃତକ ହେଉଛନ୍ତି ୪୫ ବର୍ଷୀୟ ତାମିଲନାଡୁ କାଞ୍ଚେପୁରମ୍ (Kancheepuram)ର ବାସିନ୍ଦା ମୁରଲୀ । ମୁରଲୀ ପେଶାରେ ଜଣେ ଅଟୋ ଡ୍ରାଇଭର ବୋଲି ଜଣାପଡିଛି । ସେ ଘର ପାଇଁ ରାସନ ସାମଗ୍ରୀ ଆଣିବାକୁ ଯାଉଥିବା ବେଳେ ଏଭଳି ଅଘଟଣ ଘଟିଛି । ଦୁର୍ଘଟଣାର ଶିକାର ହେବାପରେ ତାଙ୍କୁ ରାଜୀବ ଗାନ୍ଧୀ ସରକାରୀ ହସପିଟାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତରଖାନାରେ ଚିକିତ୍ସା ଅବହେଳାରୁ ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସେପଟେ ଏନେଇ ଏକ ମାମଲା ରୁଜୁ ହୋଇଥିବା ବେଳେ ସମ୍ପୃକ୍ତ ଟ୍ରକ ଡ୍ରାଇଭରଙ୍କୁ ଗିରଫ କରାଯାଇଛି।