ଭୁବନେଶ୍ୱର: ଦୁନିଆରେ ଅନେକ ସମ୍ପର୍କ ରହିଛି । କିନ୍ତୁ ରକ୍ତ ସମ୍ପର୍କର ପବିତ୍ରତାକୁ ଯିଏ ଅନୁଭବ କରିଛି ସିଏ ଜାଣିଛି । ଦିନେ ଦେବକୀଙ୍କ ରକ୍ତ ସମ୍ପର୍କ ପାଇଁ ମାଆ ଯଶୋଦାଙ୍କ ଠୁ ସବୁ ମୋହ ତୁଟାଇ ମଥୁରା ନଗରୀ ଚାଲିଆସିଥିଲେ ଭଗବାନ କୃଷ୍ଣ । ଆଜି ଠିକ୍ ସେମିତି ସୁଦୂର ସ୍ପେନରୁ ଆସି ରାଜଧାନୀରେ ରକ୍ତ ସମ୍ପର୍କକୁ ଖୋଜି ବୁଲୁଛି 21 ବର୍ଷୀୟା ଯୁବତୀ । ଜାନୁଆରୀ 8ରେ ପ୍ରବାସୀ ଭାରତୀୟ ଦିବସ। ପ୍ରବାସୀ ଦିବସ ପାଳିବାକୁ ସଜେଇ ହେଉଛି ରାଜଧାନୀ ଭୁବନେଶ୍ବର । ଠିକ୍ ଏତିକିବେଳେ ରାଜଧାନୀର ଗଳିକନ୍ଦିରେ ନିଜ ମା’କୁ ଖୋଜୁଛି ସ୍ପେନ ଝିଅ । ଏମିତି ଏକ ଘଟଣା ସାମ୍ନାକୁ ଆସିଛି ଭୁବନେଶ୍ୱରରେ ।
ଜୀବନରେ ପରିବାରର ମହତ୍ତ୍ବ କଣ ତାହା ଏହି ଯୁବତୀଙ୍କୁ ଦେଖିଲେ ବେଶ ବାରି ହୋଇପଡୁଛି । ବଲିଉଡ ଫିଲ୍ମ ବଜରଙ୍ଗୀ ଭାଇଜାନରେ ମୁନି ଚରିତ୍ର ପରିବାରକୁ ଖୋଜି ଭାରତରୁ ପାକିସ୍ତାନରେ ପହଞ୍ଚି ଯାଇଥିଲା । ଏଠି କିନ୍ତୁ ‘ମଣି’ ମୁନି ଚରିତ୍ର ଭଳି ପରିବାରକୁ ଖୋଜିବା ପାଇଁ ସ୍ପେନରୁ ଉତ୍କଣ୍ଠାର ସହ ରାଜଧାନୀ ଭୁବନେଶ୍ବରରେ ପହଞ୍ଚିଛି । ପୋଷ୍ୟ ଭାବେ ସ୍ପେନ ପଳାଇଥିବା ଝିଅଟି ୨୦ବର୍ଷ ପରେ ଏବେ ଭୁବନେଶ୍ୱରରେ ନିଜର ଅସଲ ପରିଚୟ ଖୋଜୁଛି । ସ୍ପେନର ଉଚ୍ଚ ଅଭିଳାଶ ଓ ବିଳାସମୟ ଜୀବନ ଜୀଉଥିବା ଝିଅଟି ଏବେ ପୋଲିସ କମିଶନରଙ୍କୁ ଭେଟି ମା’କୁ ଖୋଜି ଆଣିବାକୁ ନିବେଦନ କରିଛନ୍ତି ।
ଜନ୍ମକଲା ମା’କୁ ଖୋଜୁଛି ଝିଅ
ଘଟଣାଟି ଏମିତି ଯେ ୨୧ବର୍ଷର ଝିଅ ହେଉଛି ସ୍ନେହା ଆନରିକ ଭିଡଲ ଯେ କି ଏବେ ସ୍ପେନ ନିବାସୀ । ବିଗତ ୨୦ବର୍ଷ ତଳେ ସ୍ପେନ ଦମ୍ପତି ଜିମା ଭିଡଲ ଓ ଆନରିକ ଉଭୟ ସରକାରୀ ଅନୁମତି କ୍ରମରେ ସ୍ନେହାଙ୍କୁ ପୋଷ୍ୟ ଭାବେ ଗ୍ରହଣ କରିଥିଲେ । କେବଳ ଝିଅ ସ୍ନେହା ଆନରିକ ନୁହେଁ ତା ସହିତ ତାର ସାନ ଭାଇକୁ ମଧ୍ୟ ସେମାନେ ସ୍ପେନ ନେଇଯାଇଥିଲେ । ପରେ ସେ ସ୍ପେନ ଗଲା ପରେ ସେଠାରେ ତାଙ୍କର ପୋଷ୍ୟ ବାପା ଓ ମାଆ ତାଙ୍କୁ ଲାଳନପାଳନ କରିଥିଲେ । କିନ୍ତୁ ସ୍ନେହା ବଡ଼ ହେବା ପରେ ଅର୍ଥାତ୍ ସ୍ପେନ ସରକାରଙ୍କ ନିୟମ ଅନୁସାରେ ୨୧ବର୍ଷ ହେବା ପରେ ସାବାଳିକା ହୋଇଥିଲା ।ହେଲେ ସେ ନିଜକୁ ଓ ତା ଭାଇକୁ ଦେଖି ନିଜ ଜୀବନର କାହାଣୀ ଜାଣିବାକୁ ଆରମ୍ଭ କରିଥିଲା । ଯେତେବେଳେ ସେ ନିଜେ ଭାରତୀୟ ବଂଶୋଦ୍ଭବ ଓ ତାଙ୍କୁ ପୋଷ୍ୟ ଭାବେ ଗ୍ରହଣ କରାଯାଇଥିଲା ଜାଣିବାକୁ ପାଇଲେ ଏବେ ସେ ତାର ନିଜ ଜନ୍ମକଲା ମା’କୁ ଦେଖିବା ପାଇଁ ଆଗ୍ରହୀ ପ୍ରକାଶ କରୁଛି। ସେନେଇ ସେ ମଧ୍ୟ ବହୁତ ଇଛା କରି ତାଙ୍କୁ ଦେଖିବା ପାଇଁ ନିଜ ପୋଷ୍ୟ ବାପା ଓ ମାଙ୍କୁ ଜଣାଇଥିଲା । ପୋଷ୍ୟ ଭାବେ ଲାଳନ ପାଳନ କରୁଥିବା ବାପା ମା’ ସ୍ନେହା ପାଇଁ କିଛି ବି କରିବାକୁ ପ୍ରସ୍ତୁତ ଥିଲେ । ଯେହେତୁ ସେ ତାକୁ ବହୁତ ଭଲ ପାଆନ୍ତି । ଏନେଇ ତାଙ୍କ ନିଜ ଜନ୍ମକଲା ମା’ ଓ ବାପାଙ୍କୁ ଖୋଜିବା ପାଇଁ ଓଡ଼ିଶା ଆସିଛନ୍ତି । ଏଥିପାଇଁ ସ୍ନେହା ଓ ତାଙ୍କ ପୋଷ୍ୟ ଭାବେ ଗ୍ରହଣ କରିଥିବା ମା ଓ ବାପା ମଧ୍ୟ ସମର୍ଥନ କରି ତା ସାଥିରେ ଭୁବନେଶ୍ବର ଆସି ତାଙ୍କୁ ସହଯୋଗ କରୁଛନ୍ତି। ଜନ୍ମ କଲା ମାଙ୍କୁ ଖୋଜିବାକୁ ପ୍ରୟାସ କରୁଛନ୍ତି ଉଭୟ ପୋଷ୍ୟ ମା ଓ ଝିଅ।
ଅନାଥଶ୍ରମରୁ ସିଧା ସ୍ପେନ ଟିକେଟ୍
ତେଣୁ ସେ ଏବେ ତାଙ୍କର ଅତିତ ଓ ତାଙ୍କ ଜନ୍ମକଲା ମା ଓ ବାପାଙ୍କୁ ଖୋଜୁଛନ୍ତି। ଓଡ଼ିଶାରେ ପହଁଚିବା ପରେ ଯେହେତୁ ପୋଷ୍ୟଭାବେ ଗ୍ରହଣ କରାଯାଇଥିବା ସନ୍ତାନ ମାନଙ୍କର ପୂର୍ବ ଇତିହାସ ସମ୍ପର୍କରେ ଅବଗତ କରାଯାଏ ନାହିଁ । ତଥାପି ସେ ଜିଦ ଧରି ତାଙ୍କର ମା'ଙ୍କୁ ଭେଟିବା ପାଇଁ ଆଗ୍ରହୀ ଦେଖି ନିଜସ୍ବ ଉଦ୍ୟମରେ ଏକ ପ୍ରକାର ପ୍ରୟାସ କରିଛନ୍ତି’’। ଏନେଇ ଯେପରି ସେ ପୋଷ୍ୟ ଭାବେ ଗ୍ରହଣ କରାଯାଇଥିଲା ସେଠାକୁ ଯାଇ ସେମାନଙ୍କୁ ଭେଟିଛନ୍ତି।ସେଠାରୁ ସେ ତାଙ୍କର ନିଜର ବାପା ଓ ମା ବିଷୟରେ ଜାଣିବା ପାଇ ଚେଷ୍ଟା କରିଛନ୍ତି। ଯେହେତୁ ଭୁବନେଶ୍ୱର ଭଳି ବଡ଼ ସହରରେ ଏନେଇ ପୋଲିସ ଜରିଆରେ ତାଙ୍କ ଜନ୍ମକଲା ମା’ ଓ ବାପାଙ୍କୁ ଖୋଜି ବାକୁ ଚେଷ୍ଟା କରାଯାଉଛି ।
ନୟାପଲ୍ଲୀରୁ ମିଳିଲା ମା’ର ଠିକଣା
ଜନ୍ମକଲା ବାପା ମାକୁ ଖୋଜୁ ଖୋଜୁ ସେ ଜାଣିବାକୁ ପାଇଛନ୍ତି ଯେ ୨୦୦୨ ମସିହାର ଘଟଣା । ନୟାପଲ୍ଲୀ ଥାନା ଅଞ୍ଚଳର ଭୋଇ ନଗର ଅଞ୍ଚଳରେ ବିଜୟ କୁମାର୍ ଦାସ ନାମକ ବ୍ୟକ୍ତିଙ୍କ ଘରୁ ସ୍ନେହା ଓ ତାର ସାନ ଭାଇକୁ ଉଦ୍ଧାର କରାଯାଇଥିଲା।ଯେଉଁଠି ଏକ ଭଡ଼ା ଘରର ବନ୍ଦ ଘର ଭିତରୁ ଉଭୟ ସ୍ନେହା ଓ ତାର ସାନ ଭାଇ କାନ୍ଦୁଥିବା ଖବରପାଇ ପୋଲିସ ଉଦ୍ଧାର କରିଥିଲା। ସେତେବେଳେ ସ୍ନେହାକୁ ୨ବର୍ଷ ହୋଇଥିଲା ଓ ତାର ଭାଇକୁ ୯ମାସ ହୋଇଥିଲା । ଏକ ଘର ଭିତରେ ଦୁହିଁଙ୍କୁ ଛାଡି ମା’ ଅନ୍ୟ ଦୁଇ ଜଣ ଛୁଆଙ୍କୁ ଧରି ବାହାରକୁ ଯାଇଥିଲେ। ମା ଆସିବା ବିଳମ୍ବ ହେବାରୁ ଦୁଇ ଛୁଆଙ୍କୁ ପୋଲିସ ଉଦ୍ଧାର କରି ଚାଇଲ୍ଡ ଲାଇନରେ ହାଜର କରିଥିଲା । ସୁଭଦ୍ରା ମହତାବ ସେବା ସଦନ ସର୍ଟ ଷ୍ଟେ ହୋମ ବା ସୁଧାର ଗୃହରେ ଥିବା ସମୟରେ ସେତେବେଳେ ଏହି ସ୍ପେନ ଦମ୍ପତି ଆସି ସେମାନଙ୍କୁ ଆଇନଗତ ଭାବେ ପୋଷ୍ୟ ଭାବେ ଗ୍ରହଣ କରିଥିବା ଜାଣିବାକୁ ପାଇଥିଲେ ।
ତେବେ ସେହି ଘରେ ଯେଉଁଠି ତାଙ୍କ ମା’ ଛାଡି ଯାଇଥିଲା ସେଠାକୁ ଯାଇ ଝିଅଟି ପଚରା ଉଚୁରା କରିଥିଲା ।ସେତେବେଳେ ସେଠାରେ ତାଙ୍କ ମା ଚାରି ଛୁଆଙ୍କ ସହ ରହୁଥିବା ଘର ମାଲିକ ଠୁ ଜାଣିବାକୁ ପାଇଥିଲେ । ମା ବନଲତା ଦାସ ଓ ତାଙ୍କ ବାପା ସନ୍ତୋଷ କୁମାର ଦାସ ବୋଲି ଜାଣିବାକୁ ପାଇଛନ୍ତି। ଏନେଇ ସନ୍ତୋଷ କୁମାର ଦାସ ଯେ କି ସହିଦନଗରରେ ପି କେ ଆସୋସିଏସନ୍ ରେ କାମ କରୁଥିବା ଜାଣିବାକୁ ପାଇଛନ୍ତି । ଉଭୟ ମା ଓ ବାପା ବଡମ୍ବା କଟକ ନରସିଂହପୁର ଅଞ୍ଚଳରେ ବୋଲି ଜାଣିବାକୁ ପାଇଛନ୍ତି । ଚାଇଲ୍ଡ ଲାଇନ ଓ ପୋଲିସ ଓ ସମାଜସେବୀ ଆଧାରରେ ଖୋଜିବାରେ ପ୍ରୟାସ କରୁଛନ୍ତି। ତାଙ୍କୁ ତାଙ୍କ ମା’କୁ ଖୋଜିବାରେ ସହଯୋଗ କରୁଥିବା ଅବସରପ୍ରାପ୍ତ ଅଧ୍ୟାପକ ସ୍ନେହାମିଶ୍ର କହିଛନ୍ତି ‘‘ଏଇଠି ଓଡ଼ିଶା ମାଟିର ଆକର୍ଷଣ ସେ ଝିଅ ହୁଏତ ଜାଣିନି । ହେଲେ ତାର ରକ୍ତ ସମ୍ପର୍କ ଏଠି ତାକୁ ଟାଣି ଆଣିଛି’’।
ଏହାମଧ୍ୟ ପଢନ୍ତୁ... ନବରଙ୍ଗପୁର ନାଇଟିଙ୍ଗଲ ଡାଳିମ୍ୱ ମାଳି, ସେବା ପାଇଁ ସମ୍ବର୍ଦ୍ଧିତ କଲା ବ୍ରହ୍ମପୁର ବିଶ୍ବବିଦ୍ୟାଳୟ ସେବାରେ ସମର୍ପିତ 'ନରେନ୍ଦ୍ର', ଆମ୍ବୁଲାନ୍ସରୁ ଶୌଚାଳୟ ଯାଏଁ କରିଛନ୍ତି ସବୁ ବ୍ୟବସ୍ଥା |
ସ୍ପେନରେ ଏମ୍ଏ ପଢିଛନ୍ତି
ତେବେ ଝିଅଟି ଭାରତରୁ ଯାଇ ୨୦ବର୍ଷ ଧରି ସ୍ପେନରେ ପାଠପଢ଼ା ସହ ଏକ ପାରିବାରିକ ମାହୋଲରେ ବଢିଥିଲେ।ଏବେ ସେ ୨୧ବର୍ଷରେ ପହଞ୍ଚିଥିବା ବେଳେ ସ୍ପେନରେ ଏମ୍ଏ ସାରିବା ପରେ ସେଠାରେ ଶିକ୍ଷକ ପାଇଁ ପାଠ୍ୟକ୍ରମ ପଢୁଛନ୍ତା।ତାଙ୍କର ସାନ ଭାଇ ମଧ୍ୟ ଲଜିଷ୍ଟିକ ଟ୍ରାଭେଲସର ପାଠ ମଧ୍ୟ ପଢ଼ୁଛନ୍ତି ।ତାଙ୍କୁ ପୋଷ୍ୟ ଭାବେ ଗ୍ରହଣ କରିଥିବା ମା’ ମଧ୍ୟ ଜଣେ ଶିକ୍ଷୟତ୍ରୀ ଓ ବାପା ତାଙ୍କର ଜଣେ ବ୍ୟବସାୟୀ ।ସେଠାରେ ସେ ବେସ ଭଲ ଜୀବନ ବିତାଉଛନ୍ତି । ହେଲେ ତାଙ୍କର ଝିଅ ର ଖୁସି ପାଇଁ ଏଭଳି ଭାରତ ଆସିଛନ୍ତି ।ଯେବେଳେ ସେ ତାଙ୍କ ଏହି ଦୁଇ ପିଲାଙ୍କୁ ପୋଷ୍ୟ ଭାବେଗ୍ରହଣ କରିଥିଲେ।ସେତେବେଳେ ତିନିବର୍ଷ ଲାଗିଥିଲା ସେମାନଙ୍କୁ ଅନୁମତି ମିଳିବାକୁ । ଏନେଇ ସେ ଚାକିରି କରୁଥିବା ସଂସ୍ଥାରୁ ମଧ୍ୟ ଛୁଟି ଆଣିବା ସମ୍ଭବ ନଥିଲା ବାଧ୍ୟ ହୋଇ ଚାକିରି ଛାଡିଥିଲେ।
ଇଟିଭି ଭାରତ, ଭୁବନେଶ୍ୱର
