ଭୁବନେଶ୍ଵରରେ ବଲିଉଡ ଗାୟକ ମିକ୍କା ସିଂ, ଧର୍ମଶାଳା ମହୋତ୍ସବରେ ଦେବେ ଯୋଗ

ଭୁବନେଶ୍ୱର: ଓଡ଼ିଶାରେ ବଲିଉଡ ଲୋକପ୍ରିୟ ଗାୟକ ମିକ୍କା ସିଂ। ଧର୍ମଶାଳା ମହୋତ୍ସବରେ ଯୋଗ ଦେବା ପାଇଁ ଓଡ଼ିଶା ଆସିଛନ୍ତି ମିକା ସିଂ । ତେବେ ଭୁବନେଶ୍ଵର ବିମାନ ବନ୍ଦରରେ ପହଞ୍ଚିବା ପରେ ଗାୟକଙ୍କୁ ଭବ୍ୟ ସ୍ୱାଗତ କରାଯାଇଛି । ଏହି ସମୟରେ ସେ ଓଡ଼ିଶାର ଭୂୟଂସୀ ପ୍ରଶଂସା କରିବା ସହ ଏଠାକୁ ଆସି ବେଶ ଖୁସିଥିବା କହିଛନ୍ତି । ଏଥିସହ ସନ୍ଧ୍ୟାରେ ଧର୍ମଶାଳା ମହୋତ୍ସବରେ ଯୋଗ ଦେବା ପୂର୍ବରୁ ପୁରୀ ଯାଇ ଜଗନ୍ନାଥଙ୍କ ଆଶୀର୍ବାଦ ନେବେ ବୋଲି କହିବା ସହ ଲୋକଙ୍କୁ ଏହି ମହୋତ୍ସବରେ ସାମିଲ ହେବାକୁ ଅପିଲ୍ କରିଛନ୍ତି । 

ସେ କହିଛନ୍ତି, ''ଓଡ଼ିଶାର ଖାଦ୍ୟ ବହୁତ ଭଲ, ଏଠାକାର ଲୋକ ବହୁତ ଭଲ । ମୁଁ ବହୁତ ସମୟ ପରେ କୋଭିଡ଼ ପରେ ଏଠାକୁ ଆସିଛି । ମୋତେ ବହୁତ ଭଲ ଲାଗୁଛି । ମୋର ଓଡ଼ିଶାର ଝାଡ଼ଖଣ୍ଡ, ରାଉରକେଲା ପରଫର୍ମ କରିଛି । ତେବେ ଆଜି ସନ୍ଧ୍ୟାରେ ଧର୍ମଶାଳା ମହୋତ୍ସବରେ ମୁଁ ପରଫର୍ମ କରିବି । ମୁଁ ଏଠାକାର ମୋର ଫ୍ୟାନ୍ସଙ୍କୁ ଅପିଲ୍ କରୁଛି ସମସ୍ତେ ମୋ ସହ ଏହି ମହୋତ୍ସବରେ ସାମିଲ ହୁଅନ୍ତୁ ଏବଂ ମଜା ନିଅନ୍ତୁ ।'' ଏଥିସହ ସେ ପାପାରାଜି ଓ ଫ୍ୟାନ୍ସଙ୍କୁ ନବବର୍ଷର ଶୁଭେଚ୍ଛା ଜଣାଇଛନ୍ତି ।

ଏହା ମଧ୍ୟ ପଢନ୍ତୁ: ଓଡିଶାରେ ବଲିଉଡର ‘ଆନ୍ନା’, ଡାଲମାକୁ କଲେ ଭୂରି ଭୂରି ପ୍ରଶଂସା - ସୁନୀଲ ଶେଟ୍ଟୀ

ଇଟିଭି ଭାରତ, ଭୁବନେଶ୍ୱର