ଭୁବନେଶ୍ୱର: 'ବିକଶିତ ଗାଁ ବିକଶିତ ଓଡ଼ିଶା' ଯୋଜନାର ଶୁଭାରମ୍ଭ ହୋଇଛି । ଗ୍ରାମାଞ୍ଚଳର ବିକାଶ ଲକ୍ଷ୍ୟରେ ଏହି ଯୋଜନାର ଆରମ୍ଭ କରାଯାଇଥିବା ବେଳେ ୫ ବର୍ଷ ପର୍ଯ୍ୟନ୍ତ ଏହି ଯୋଜନା କାର୍ଯ୍ୟକାରୀ ହେବ ବୋଲି କୁହାଯାଇଛି । ଅନ୍ୟପଟେ ଏହି ଯୋଜନାକୁ ନେଇ ଆରମ୍ଭ ହୋଇଯାଇଛି ରାଜନୀତି । ପୂର୍ବ ସରକାରଙ୍କ ଯୋଜନାର ନାଁ ପରିବର୍ତ୍ତନ କରି ଏହି ଯୋଜନା କରାଯାଇଥିବା ବେଳେ ବିଜେଡି ଅଭିଯୋଗ ଆଣିଥିବା ବେଳେ ପାଲଟା ଉତ୍ତର ରଖିଛି ବିଜେପି ।
'ବିଜେଡି ଓଲଟା କଥା କହି ଲୋକଙ୍କୁ ଭ୍ରମିତ କରୁଛି'
ଏନେଇ ବିଜେପି ବିଧାୟକ ବିଭୂତି ପ୍ରଧାନ କହିଛନ୍ତି, "ବିକଶିତ ଗାଁ ବିକଶିତ ଓଡିଶା ଏବଂ ଆମ ଓଡ଼ିଶା ନବୀନ ଓଡିଶା ସହ ତୁଳନା କରାଯାଉ । ଆମ ଓଡ଼ିଶା ନବୀନ ଓଡିଶା ଯୋଜନାରେ ପଲ୍ଲୀସଭା ନଥିଲା । ଯାହା ପ୍ରସ୍ତାବ ଆସିବ ତାହା ବାବୁ ଓ ବଡ଼ ନେତା ଦେବେ । ତାହା ଗାଁ'ରେ କାର୍ଯ୍ୟକାରୀ ହେବ । ବିକଶିତ ଗାଁ ବିକଶିତ ଓଡିଶା ଥିମ ହେଉଛି ପ୍ରସ୍ତାବ ଗାଁ'ରେ ପ୍ରସ୍ତୁତ ହେବ । ଗାଁ'ରେ ପଲ୍ଲୀ ସଭା ହେବ । ଗାଁ' ଲୋକ ଗାଁ'ର ବିକାଶ ପାଇଁ ପ୍ରସ୍ତାବ ଦେବେ । ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଏହାକୁ ଅନୁମୋଦନ କରିବେ । ସରକାର ଅର୍ଥ ଦେବେ । ତାହା ପରେ କାମ ହେବ । ବିଜେଡି ସରକାର ପୂର୍ବରୁ ଏହି ବ୍ୟବସ୍ଥା ଥିଲା । କିନ୍ତୁ ବିଜେଡି ଏହାକୁ ବଦଳେଇ ଦେଇଥିଲା । ଗାଁ'ଲୋକ ଅତିଷ୍ଠ ହୋଇ ବିଜେଡିକୁ ବଦଳେଇ ଦେଲେ । ବିଜେଡି ଯୋଜନାର ବ୍ୟବସ୍ଥା ବଦଳେଇଥିଲା, ଆମ ସେଇଟା ବଦଳେଇଲୁ । ବିଜେଡି ଓଲଟା କଥା କହି ଲୋକଙ୍କୁ ଭ୍ରମିତ କରୁଛି । ଲୋକେ ଭ୍ରମିତ ହେବେନାହିଁ ।"
ଏହାମଧ୍ୟ ପଢନ୍ତୁ... |
'ବିକଶିତ ଗାଁ ବିକଶିତ ଓଡ଼ିଶା' ଯୋଜନା:
ମୁଖ୍ୟମନ୍ତ୍ରୀ ମୋହନ ମାଝୀ ଆଜି (ବୁଧବାର) ଖୋର୍ଦ୍ଧା ଜିଲ୍ଲା ଜଙ୍କିଆଠାରେ ଏକ କାର୍ଯ୍ୟକ୍ରମରେ 'ବିକଶିତ ଗାଁ ବିକଶିତ ଓଡ଼ିଶା' ଯୋଜନାର ଶୁଭାରମ୍ଭ କରିଛନ୍ତି । ଗ୍ରାମାଞ୍ଚଳର ବିକାଶ ଲକ୍ଷ୍ୟରେ ଏହି ଯୋଜନା ଆରମ୍ଭ ହୋଇଥିବା ବେଳେ ୫ ବର୍ଷ ଯାଏ ଏହି ଯୋଜନା କାର୍ଯ୍ୟକାରୀ ହେବ । ଏହି ଯୋଜନା ପାଇଁ ୫ହଜାର କୋଟିର ବ୍ୟୟବରାଦ କରାଯାଇଛି ।"
ଇଟିଭି ଭାରତ, ଭୁବନେଶ୍ୱର
