ବାଲୁକା ଚିତ୍ରକଳାରେ କୋଭିଡ ଗାଇଡଲାଇନ ଅନୁପାଳନ ବାର୍ତ୍ତା

ପୁରୀ: ବାଲୁକା ଚିତ୍ରକଳାରେ କୋଭିଡ ଗାଇଡ଼ ଲାଇନ ଅନୁପାଳନ ବାର୍ତ୍ତା । ଦିନକୁ ଦିନ କୋଭିଡ ସଂକ୍ରମଣ କାୟା ବିସ୍ତାର କରୁଥିବା ବେଳେ ଏହାକୁ ରୋକିବାକୁ ହେଲେ ମୁହଁରେ ମାସ୍କ ପରିଧାନ କରିବା ସହ ହାତ ସାନିଟାଇଜ କରିବା ଓ ସାମାଜିକ ଦୂରତା ବଜାୟ ରଖିବା ଅତ୍ୟନ୍ତ ଆବଶ୍ୟକ ରହିଛି। ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଅନୁରୋଧ କରିଛନ୍ତି ସମସ୍ତେ ମାସ୍କ ପରିଧାନ କରନ୍ତୁ ଓ କୋଭିଡ ଗାଇଡ଼ ଲାଇନ ମାନନ୍ତୁ । ଏହା ଦ୍ବାରା ଜୀବନ ରକ୍ଷା ସମେତ କୋଭିଡକୁ ରୋକିହେବ। ଏହି ବାର୍ତ୍ତାକୁ ନେଇ ପୁରୀ ବେଳାଭୂମିରେ ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ ଏକ ବାଲୁକା ଚିତ୍ରକଳା କରିଛନ୍ତି। ଯେଉଁଥିରେ ସଠିକ ଭାବେ ମାସ୍କ ପିନ୍ଧିବା ଓ କୋଭିଡ ଗାଇଡ଼ ଲାଇନ ମାନିବା ବାର୍ତ୍ତା ରହିଛି। ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ