ଚିନ୍ତା ବଢ଼ାଉଛି ନକଲି ସାମଗ୍ରୀ

କଟକ: ଚିନ୍ତା ବଢ଼ାଉଛି ବଜାରରେ ନକଲି ସାମଗ୍ରୀ । ନକଲି ଘିଅ, ହଳଦୀଗୁଣ୍ଡ, ଲଙ୍କା ଗୁଣ୍ଡ, ମହୁ, ତେଲ ଆଦି ଭଳି ନକଲି ପାନ ମସଲା ଗୋଦାମ ଉପରେ ଆଜି ଚଢ଼ାଉ କରି ଲକ୍ଷାଧିକ ଟଙ୍କାର ନକଲି ମସଲା ଜବତ କରିଛି ଜଗତପୁର ଥାନା ପୋଲିସ । ସବୁଠାରୁ ବଡ଼ କଥା ହେଉଛି ବିନା ଅନୁମତିରେ ଆଉ ବେଧଡକ ଭାବେ ପ୍ରସ୍ତୁତ ହେଉଥିଲା ଏହି ସାମଗ୍ରୀ । କେବେ ଠାରୁ ଏହା ପ୍ରସ୍ତୁତ ହେଉଥିଲା ଆଉ ଏହାର ମାଲିକ କିଏ ତାହା ର ଖବର ପୋଲିସ ପାଖରେ ବି ନାହିଁ । ଖବର ପାଇ ଗୋଦାମରେ ଅଚାନକ ଚଢ଼ାଉ କରିଥିଲା ଜଗତପୁର ଥାନା ପୋଲିସ । ତେବେ ବାରମ୍ବାର ଏପରି ନକଲି ସାମଗ୍ରୀ ଜବତ ହେଉଛି । ଯାହାକି ଖାଉଟିଙ୍କ ପାଇଁ ଚିନ୍ତାର କାରଣ ପାଲଟିଛି । କଟକରୁ ନାରାୟଣ ସାହୁ, ଇଟିଭି ଭାରତ