ଯାଜପୁରରେ ଅକ୍ଷୟତୃତୀୟା ପାଳିତ, ଅଖି ମୁଠି ଅନୁକୂଳ ଓ ଭୂମି ପୂଜନ

ଯାଜପୁର: ପବିତ୍ର ଅକ୍ଷୟତୃତୀୟା ଅବସରରେ ଓଡ଼ିଶା ପ୍ରଦେଶ କିଷାନ କଂଗ୍ରେସ ଓ ଯାଜପୁର ଜିଲ୍ଲା ଧର୍ମଶାଳା କିଷାନ କଂଗ୍ରେସ ମିଳିତ ଆନୁକୂଲ୍ୟରେ ରାଜ୍ୟସ୍ତରୀୟ ଅଖି ମୁଠି ଅନୁକୂଳ ଉତ୍ସବ ନରସିଂହପୁର ଠାରେ ପାଳିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ ପ୍ରଦେଶ କଂଗ୍ରେସ କୃଷକ ସେଲ ଅଧ୍ୟକ୍ଷ ଅମୀୟ କୁମାର ପଟ୍ଟନାୟକ ଯୋଗଦେଇ ଅଖି ମୁଠି ଅନୁକୂଳ କରିଥିଲେ । ବାଜା ସଙ୍କୀର୍ତ୍ତନ ସହ ଜମିରେ ପହଞ୍ଚି ଭୂମି ପୂଜନ କରାଯାଇଥିଲା । ପରେ ପ୍ରଦେଶ କଂଗ୍ରେସ କୃଷକ ସେଲ ଅଧ୍ୟକ୍ଷ ଓ ଧର୍ମଶାଳା କୃଷକ ସେଲ କର୍ମକର୍ତ୍ତା ମିଶି ଅଖି ମୁଠି ଅନୁକୂଳ କରି ଚାଷଜମିରେ ଧାନ ପକାଇ ଲଙ୍ଗଳ ସାହାଯ୍ୟରେ ହଳ କରିଥିଲେ । ଏହି ପରିପ୍ରେକ୍ଷୀରେ ଆଗାମୀ ବର୍ଷ ଓଡ଼ିଶା ଚାଷୀଙ୍କ ପାଇଁ ସୁଖ ସମୃଦ୍ଧି ଆଣିବା ସହ ଭଲ ଫସଲ ହେଉ ବୋଲି କୃଷକ ସେଲ ଅଧ୍ୟକ୍ଷ ଶୁଭ ମନାସିଛନ୍ତି । ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ