ବୀରଭୂମରେ ପ୍ରସିଦ୍ଧ ତାରାପୀଠ ଦର୍ଶନ କଲେ ଜେପି ନଡ୍ଡା

କୋଲକାତା: ପ୍ରସିଦ୍ଧ ତାରାପୀଠ ଦର୍ଶନ କଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ପଶ୍ଚିମବଙ୍ଗ ଗସ୍ତରେ ଥିବା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଆଜି ବୀରଭୂମ ଜିଲ୍ଲାର ପ୍ରସିଦ୍ଧ ତାରାପୀଠ ମନ୍ଦିର ଦର୍ଶନ କରିଛନ୍ତି । ତାଙ୍କ ସହିତ ପଶ୍ଚିମବଙ୍ଗ ବିଜେପି ରାଜ୍ୟ ସଭାପତି ଦିଲ୍ଲୀପ ଘୋଷ ସହ କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟୋ ମଧ୍ୟ ଉପସ୍ଥିତ ରହିଥିଲେ । ପ୍ରବଳ ମାତ୍ରାରେ ଦଳୀୟ କାର୍ଯ୍ୟକର୍ତ୍ତା ପ୍ରଂଶସକ ଓ ନେତା ଗହଣରେ ଜେପି ନଡ୍ଡା ମାଙ୍କ ଦର୍ଶନ କରିଛନ୍ତି । ଚଳିତ ବର୍ଷ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ଏହାକୁ ଦୃଷ୍ଟିରେ ରଖି ରାଜ୍ୟରେ ବିଜେପି ଓ ଟିଏମସି କ୍ୟାମ୍ପରେ ରାଜନୈତିକ ବାତାବରଣ ଉଷ୍ଣତା ପରିଲକ୍ଷିତ ହୋଇଛି ।