ଆଉ ଜଣେ ସାଲବେଗ, ମହାପ୍ରଭୁଙ୍କ ପ୍ରେମରେ ପ୍ରବାସୀ ମହମ୍ମଦ ଅରସଦ

ଭୁବନେଶ୍ବର: ଜଗା ପ୍ରେମରେ ପ୍ରବାସୀ ଭାରତୀୟ । ମହାପ୍ରଭୁ ଶ୍ରୀଜଗନ୍ନାଥଙ୍କ ସାମ୍ନାରେ ହାତଯୋଡି ପ୍ରାର୍ଥନା କରୁଛନ୍ତି ମରିସସରେ ପ୍ରବାସୀ ଭାରତୀୟ ମହମ୍ମଦ ଅରସଦ । ସେ ପୁଣି ଜାତିରେ ଜଣେ ଜବନ । ମୁସଲିମ ସମ୍ପ୍ରଦାୟର ହୋଇ ମଧ୍ୟ ଶ୍ରୀଜଗନ୍ନାଥଙ୍କ ପ୍ରେମରେ ହଜିଯାଇଛନ୍ତି ମହମ୍ମଦ । ପ୍ରବାସୀ ଭାରତୀୟ ଦିବସରେ ଯୋଗଦେବା ଅବସରରେ ଜଗନ୍ନାଥଙ୍କ ସାମ୍ନାରେ ହାତଯୋଡି ପ୍ରଣିପାତ କରୁଥିବା ଦେଖିବାକୁ ମିଳିଥିଲା ।ଏହି ଅବସରରେ ସେ ଇଟିଭି ଭାରତକୁ ପ୍ରତିକ୍ରିୟା ଦେଇ କହିଛନ୍ତି,"ମରିସସରେ ମହାତ୍ମା ଗାନ୍ଧୀ ,ନେଲସନ ମଣ୍ଡେଲାଙ୍କୁ ପୂଜା କରାଯାଏ । ଓଡ଼ିଶାରେ ବହୁ ଧାର୍ମିକ ଅନୁଷ୍ଠାନ ରହିଛି । ଓଡ଼ିଶାରେ ବହୁବିଧ ସମ୍ପ୍ରଦାୟର ଲୋକେ ବାସ କରନ୍ତି । ଶାନ୍ତି ଏବଂ ମୁକ୍ତି ପାଇଁ ମୋର ପ୍ରାର୍ଥନା । ମହାପ୍ରଭୁ ଶ୍ରୀଜଗନ୍ନାଥଙ୍କୁ ମୁଁ ଭଲ ପାଏ । ପୁରୀରେ ବାହାରୁ ଶ୍ରୀଜଗନ୍ନାଥ ମନ୍ଦିର ଦେଖିଛି । ଆମେମାନେ ମନୁଷ୍ୟ,ଭଗବାନ ଜଗନ୍ନାଥ ମଧ୍ୟ ଜୀବନ୍ତ ଦେବତା । ମରିସସରେ ମହାଶିବରାତ୍ରି ପାଳନ କରାଯାଏ ।"

ଇଟିଭି ଭାରତ, ଭୁବନେଶ୍ବର