Fire Break Video: ହୁତୁ ହୁତୁ ହୋଇ ଜଳିଗଲା ପ୍ଲାଷ୍ଟିକ ଅଖା କମ୍ପାନୀ

ଦିସପୁର: ଏକ ପ୍ଲାଷ୍ଟିକ ଅଖା କମ୍ପାନୀରେ ଭୟାବହ ଅଗ୍ନିକାଣ୍ଡ । ଏହି ଘଟଣା ଶୁକ୍ରବାର ରାତି ପ୍ରାୟ 8.30 ସମୟରେ ଘଟିଛି । ସୋନପୁର ପୋଲିସ ଷ୍ଟେସନ ପରିସରରେ 14 ମାଇଲ ଦୂରରେ ଥିବା 6 ନଂ ଜାତୀୟ ରାଜପଥରେ ଏହି ଅଗ୍ନିକାଣ୍ଡ ଘଟିଛି । ଖବର ପାଇ ତୁରନ୍ତ ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚିଥିଲେ ମଧ୍ୟ ନିଆଁକୁ ଆୟତ୍ତ କରିବା ପାଇଁ ସେମାନଙ୍କୁ ଦୀର୍ଘ ସମୟ ଲାଗିଯାଇଥିଲା । ଖବର ଅନୁଯାୟୀ, ନିଆଁଲିଭା କାର୍ଯ୍ୟରେ 29 ଟି ଅଗ୍ନିଶମ ବାହିନୀ ନିୟୋଜିତ ହୋଇଥିଲେ । ଘଟଣା ପରେ ସମଗ୍ର ଅଞ୍ଚଳରେ ବିଦ୍ୟୁତ ସଂଯୋଗ ବିଚ୍ଛିନ୍ନ କରିଦିଆଯାଇଛି । ଏଥିରେ କୋଟି କୋଟି ଟଙ୍କାର ସମ୍ପତ୍ତି ନଷ୍ଟ ହୋଇ ଯାଇଥିବା ଅନୁମାନ କରାଯାଉଛି । ବ୍ୟୁରୋ ରିପୋର୍ଟ, ଇଟିଭି ଭାରତ