Brajrajnagar By poll: ପ୍ରଚାର ପାଇଁ ଛତିଶଗଡ ମୁଖ୍ୟମନ୍ତ୍ରୀ ଆସିଲେ ଦଳକୁ ଫାଇଦା ହେବ

ଝାରସୁଗୁଡ଼ା: ଆସନ୍ତା ବ୍ରଜରାଜନଗର ଉପନିର୍ବାଚନ ପାଇଁ କଂଗ୍ରେସ ଦଳ କସରତ ଆରମ୍ଭ କରିଛି । ନବ ନିଯୁକ୍ତ ପିସିସି ସଭାପତି ଶରତ ପଟ୍ଟନାୟକ ଦଳର ବିଧାୟକ ଏବଂ ବରିଷ୍ଠ ନେତାଙ୍କୁ ନେଇ ଦଳ ଉପନିର୍ବାଚନ ଏବଂ ଆଗାମୀ ସାଧାରଣ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିବେ । "ବ୍ରଜରାଜନଗର ଉପନିର୍ବାଚନରେ ବିଜୟ ତିଲକ ସହ ଉଦାହରଣ ସୃଷ୍ଟି କରିବ କଂଗ୍ରେସ" ଏଭଳି ପ୍ରତିକ୍ରିୟା ଦେଇଛନ୍ତି ପିସିସି ସଭାପତି ଶରତ ପଟ୍ଟନାୟକ । ତେବେ ବ୍ରଜରାଜନଗର ଉପନିର୍ବାଚନ ପୂର୍ବରୁ ଛତିଶଗଡ଼ ମୁଖ୍ୟମନ୍ତ୍ରୀ ଝାରସୁଗୁଡ଼ା ଗସ୍ତ କରିବା ନେଇ ଆଲୋଚନା ହେଉଥିଲା । ଏହାକୁ ପ୍ରଶ୍ନ କରିବାକୁ କୌଣସି ସ୍ପଷ୍ଟୀକରଣ ଦେଇନାହାନ୍ତି ପିସିସି ସଭାପତି । ଯଦି ମୁଖ୍ୟମନ୍ତ୍ରୀ ଆସନ୍ତି ତେବେ ଦଳ ପାଇଁ ଏହା ହିତକର ହେବ ବୋଲି କହିଛନ୍ତି ପିସିସି ସଭାପତି ଶରତ ପଟ୍ଟନାୟକ । ଝାରସୁଗୁଡ଼ାରୁ ଗୁରୁଚରଣ ବାଘ ଓ ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ