ମୁକୁଳା ଡ୍ରେନ୍‌ରେ ସ୍କୁଟି ସହିତ ଖସିପଡିଲେ ସ୍ବାମୀ-ସ୍ତ୍ରୀ

ଲକ୍ଷ୍ନୌ/ଅଲିଗଡ: ଦାଉ ସାଧିଲା ବର୍ଷା । ପ୍ରବଳ ବର୍ଷରେ ଏକାକାର ହୋଇଗଲା ରାସ୍ତା ଓ ଡ୍ରେନ୍‌ । ଶେଷରେ ରାସ୍ତା ଜାଣିନପାରି ମୁକୁଳା ଡ୍ରେନରେ ସ୍କୁଟି ସହ ଖସିପଡିଲେ ଦମ୍ପତି । ଯାହା ଦୃଶ୍ୟ ସିସିଟିଭିରେ କଏଦ ହୋଇଛି । ଉତ୍ତରପ୍ରଦେଶର ଆଲିଗଡର ଜିଲ୍ଲାରେ ଏଭଳି ଘଟଣା ସାମ୍ନାକୁ ଆସିଛି । କ୍ବାସି ଥାନା ଅଞ୍ଚଳର କିଶାନପୁର ତିରାହରେ ଜଣେ ପୋଲିସ କର୍ମୀ ତାଙ୍କ ପତ୍ନୀଙ୍କୁ ସ୍କୁଟି ଯୋଗେ ଡାକ୍ତରଖାନା ନେଉଥିବାବେଳେ, ହଠାତ ଉଭୟ ରାସ୍ତା ପାର୍ଶ୍ୱରେ ଥିବା ଡ୍ରେନରେ ଖସିପଡିଥିଲେ । ଅଳ୍ପକେ ଜୀବନ ବର୍ତ୍ତି ଯାଇଥିବାବେଳେ ଉଭୟ ଗୁରୁତର ଆହତ ହୋଇଛନ୍ତି ।