Humane Sagar Controversy: ଅଭିଯୋଗକୁ ନେଇ ମୁହଁ ଖୋଲିଲେ ହ୍ୟୁମାନ

ଭୁବନେଶ୍ବର: ଶେଷରେ ମୁହଁ ଖୋଲିଲେ ହ୍ୟୁମାନ ସାଗର । ଓଡିଶାର ଲୋକପ୍ରିୟ କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ନାଁରେ ଆସିଥିବା ଅଭିଯୋଗକୁ ନେଇ ଏବେ ସବୁଠି ଚର୍ଚ୍ଚା ଚାଲିଛି । ତାହା ପୁଣି କୋଟି ଓଡ଼ିଆଙ୍କ ପ୍ରାଣକେନ୍ଦ୍ର ଜଗନ୍ନାଥଙ୍କ ଗୀତ ପାଇଁ । ସଂଗୀତ ନିର୍ଦ୍ଦେଶକ ଦେବାଶିଷ ମଲ୍ଲିକ ଓରଫ ଜାପାନୀ ତାଙ୍କୁ ଶ୍ରୀଜଗନ୍ନାଥଙ୍କ ଭଜନ ଗାଇବାକୁ ବାଧ୍ୟ କରିବାରୁ ସେ ତାଙ୍କୁ ହତ୍ୟା ଧମକ ଦେଇଥିବା ଥାନାରେ ଅଭିଯୋଗ ହୋଇଛି । ଅଭିଯୋଗକୁ ଭିତ୍ତିକରି ପୋଲିସ ତଦନ୍ତ କରୁଥିବାବେଳେ ବର୍ତ୍ତମାନ ହ୍ୟୁମାନ ସାଗରଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ହ୍ୟୁମାନ କହିଛନ୍ତି କି, ମୁଁ ଏହିଭଳି ଭୁଲ୍‌ କରିନାହିଁ । ଯେଉଁମାନେ ମୋ ନାଁରେ ଏହିଭଳି ଅଭିଯୋଗ ଆଣିଛନ୍ତି ଭଗବାନ ସେମାନଙ୍କୁ ସଦ୍‌ବୁଦ୍ଧି ଦିଅନ୍ତୁ । ଯେଉଁଦିନ ମହାପ୍ରଭୁ ଜଗନ୍ନାଥଙ୍କ ଡୋରି ମୋ ଭାଗ୍ୟରେ ଲାଗିବ, ସେ ଦିନ ମୋତେ କେହି ଅଟକାଇ ପାରିବେ ନାହିଁ। ମୁଁ ନିଶ୍ଚିନ୍ତ ତାଙ୍କ ପାଇଁ ଗୀତ ଗାଇବି ଏବଂ ସେଦିନ ସାରା ଓଡିଶା ଝୁମିବ ବୋଲି ହ୍ୟୁମାନ କହିଛନ୍ତି । ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ