ଚୀନରେ ଭୀଷଣ ଅଗ୍ନିକାଣ୍ଡ, କଳାଧୂଆଁରେ ଲୁଚିଲା ଆକାଶ

ବେଜିଂ: ଚୀନର ଏକ ସୁଉଚ୍ଚ ଅଟ୍ଟାଳିକାରେ ଭୀଷଣ ଅଗ୍ନିକାଣ୍ଡ (fire breakout in China building)। ହୁତ୍‌ହୁତ୍‌ ହୋଇ ଜଳୁଛି ପୁରା ବିଲ୍ଡିଂ । ହୁନାନ୍‌ର ଚାଙ୍ଗ୍‌ସା ସହରରେ ଏହି ଅଗ୍ନିକାଣ୍ଡରୁ ଭୀଷଣ କଳାଧୂଆଁ ବାହାରୁଛି । ଏକ ସରକାରୀ ଟେଲି କମୁନିକେଶନ ବିଲ୍ଡିଂରେ ଏହି ଅଗ୍ନିକାଣ୍ଡ ହୋଇଥିବା ସୂଚନା ରହିଛି । ଅଗ୍ନିକାଣ୍ଡ ପରେ ଏହାର ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ନିଆଁ ଭୟାବହତା ଏତେ ରହିଛି ଯେ, କେତେ ମୃତାହତ ହୋଇଛନ୍ତି ତାହାର ଆକଳନ କରିବା ସମ୍ଭବପର ହୋଇ ପାରିନି । ନିଆଁକୁ ଆୟତ କରିବା ପାଇଁ ସମସ୍ତ ସମ୍ଭବ ଚେଷ୍ଟା କରୁଛି ଅଗ୍ନିଶମ ବାହିନୀ ।