ଲିଫ୍ଟରେ କୁକୁର ଆତଙ୍କ, ଫୁଡ୍‌ ଡେଲିଭେରୀ ବୟ୍‌ଙ୍କୁ କାମୁଡି ଲହୁଲୁହାଣ କଲା

ମୁମ୍ବାଇ: ଲିଫ୍ଟ ଭିତରେ ଫୁଡ୍‌ ଡେଲିଭେରୀ ବୟ୍‌ଙ୍କୁ କାମୁଡ଼ି ଲହୁଲୁହାଣ କଲା କୁକୁର (Dog bites food delivery boy)। ମହାରାଷ୍ଟ୍ରର ପାନଭେଲ୍‌ ଅଞ୍ଚଳରେ ଏଭଳି ଏକ ଚିତ୍ର ଦେଖିବାକୁ ମିଳିଛି । ଏଠାରେ ଜଣେ ଫୁଡ ଡେଲିଭେରୀ ବୟ ଲିଫ୍ଟ ପାଇଁ ଅପେକ୍ଷା କରିଥିଲେ । ଲିଫ୍ଟ ଖୋଲିବା କ୍ଷଣି ଯୁବକଙ୍କ ସମ୍ବେଦନଶୀଳ ଅଙ୍ଗକୁ କାମୁଡ଼ି ଦେଇଥିଲା ଏକ ପୋଷା କୁକୁର । ଯୁବକ ଜଣକ ଖାଦ୍ୟ ଡେଲିଭେରୀ ଦେବାକୁ ଆସିଥିଲେ । କୁକୁର କାମୁଡ଼ାର ଶିକାର ହେବାପରେ ତାଙ୍କୁ ଡିୱାଇ ପାଟିଲ୍‌ ହସ୍ପିଟାଲ୍‌ରେ ଭର୍ତ୍ତି କରାଯାଇଛି । ଗତ ଅଗଷ୍ଟ ୨୭ ତାରିଖରେ ଏହି ଘଟଣା ଘଟିଥିବା ବେଳେ ବର୍ତ୍ତମାନ ଏହା ସୋସିଆଲ ମିଡିଆରେ ଭାଇରାଲ୍‌ ହେବାରେ ଲାଗିଛି ।