ପୋଲିସ କର୍ମଚାରୀଙ୍କ ଅବହେଳା: ଚାଲିଗଲା କନଷ୍ଟେବଳଙ୍କ ଜୀବନ

ଡେରାଡୁନ୍ : ସାଧାରଣ ଜନତାଙ୍କ ସେବାରେ ସର୍ବଦା ପ୍ରସ୍ତୁତ ଉତ୍ତରାଖଣ୍ଡ ପୋଲିସର କାର୍ଯ୍ୟକଳାପ ଉପରେ ପୁଣିଥରେ ପ୍ରଶ୍ନ ଉଠିଛି । ପୋଲିସ କର୍ମଚାରୀଙ୍କ ସାମାନ୍ୟ ଅବହେଳା ଯୋଗୁଁ ଜଣେ କନଷ୍ଟେବଳ ପ୍ରାଣ ହରାଇଛନ୍ତି । ସୂଚନାନୁସାରେ ରବିବାର ବିଳମ୍ବିତ ରାତିରେ ଡେରାଡୁନ୍ ପୋଲିସ୍ ବିଭାଗରେ ନିଯୁକ୍ତି ପାଇଥିବା କନଷ୍ଟେବଳ ରାକେଶ ରାଠୋର ବାଇକ ଯୋଗେ ହରିଦ୍ୱାରରୁ ଡେରାଡୁନ୍ ଯାଉଥିଲେ। ସେହି ସମୟରେ ଏକ ଡିଭାଇଡରରେ ତାଙ୍କ ବାଇକ ଜୋରରେ ଧକ୍କା ହୋଇଥିଲା । ତେବେ ତାଙ୍କୁ ସେଠାରୁ ଉଦ୍ଧାର କରିବା ପରିବର୍ତ୍ତେ ଉପସ୍ଥିତ ଥିବା ୨ଜଣ ପୋଲିସ କର୍ମଚାରୀ ତାଙ୍କର ଭିଡିଓ କରୁଥିଲେ । ସେହି ସମୟରେ ଯଦି ଏହି ଦୁଇଜଣ  ପୋଲିସ କର୍ମଚାରୀ ଟିକେ ସଚେତନତା ଦେଖାଇଥାନ୍ତେ, ବୋଧହୁଏ କନଷ୍ଟେବଳ ରାକେଶ ରାଠୋରଙ୍କ ଜୀବନ ବଞ୍ଚିଥାନ୍ତା । ବ୍ୟୁରୋ ରିପୋର୍ଟ, ଇଟିଭି ଭାରତ