କଟକରେ ବିଗ ବି’ଙ୍କ ବିଗ ଫ୍ୟାନ ଧନେଶ୍ୱର, ନିଆରା ଢଙ୍ଗରେ ପାଳିଲେ ଜନ୍ମଦିନ

କଟକ: ଆଜି ବିଗ ବି ଅମିତାଭ ବଚ୍ଚନଙ୍କ ଜନ୍ମଦିନ, ୮୦ ବର୍ଷରେ ପାଦ ଥାପିଲେ ବିଗ ବି । କଟକରେ ଅମିତାଭ ବଚ୍ଚନଙ୍କ ଜନ୍ମଦିନକୁ ଖୁବ ଧୁମ ଧାମରେ ପାଳନ କରୁଛନ୍ତି ବିଗ ବିଙ୍କ କଟକର ବିଗ ଫ୍ୟାନ ଧନେଶ୍ୱର ସେଠୀ । କଟକ ଓଲ୍ଡ LIC କଲୋନୀ ଅଞ୍ଚଳରେ ପାନ ଦୋକାନ କରି ବ୍ୟବସାୟ କରନ୍ତି ଧନେଶ୍ବର । ପ୍ରତିବର୍ଷ ବିଗ୍ ବିଙ୍କ ଜନ୍ମଦିନକୁ ସେ ନିଆରା ଢଙ୍ଗରେ ପାଳନ କରୁଥିବା ବେଳେ ଚଳିତ ବର୍ଷ ମଧ୍ୟ ଏକ ନିଆରା ଢଙ୍ଗରେ ପାଳନ କରି ଶୁଭେଚ୍ଛା ଜଣାଇଛନ୍ତି । ନିଜ ପାନ ଦୋକାନ ପାଖରେ ଅମିତାଭଙ୍କ ଅନକେ ପୋଷ୍ଟର ଲାଗାଇ ସାଜସଜ୍ଜା କରିଛନ୍ତି । ବିଗ ବିଙ୍କ ଅଭିନୀତ ଫଲ୍ମ ଗୀତ ଲଗାଇ କେକ କାଟିବା ସହ ସେ ଆଜି ମିଠା ମଧ୍ୟ ବାଣ୍ଟିବେ । ପିଲାଟି ବେଳୁ ସେ ବିଗ ବିଙ୍କ ଫ୍ୟାନ ରହି ଆସିଥିବା ବେଳେ ଆଜି ଯାଏଁ ବଚ୍ଚନଙ୍କ ଅଭିନୀତ ସମସ୍ତ ଫିଲ୍ମ ଦେଖି ସାରିଛନ୍ତି ଧନେଶ୍ବର । ଏମିତିକି ସବୁ ସୁପର ହିଟ ଫିଲ୍ମ ଗୁଡ଼ିକୁ ଶତାଧିକ ବାର ଦେଖିବା ସହ ସବୁ ଫିଲ୍ମର ସିଡିକୁ ସାଇତି ରଖିଛନ୍ତି । ଇଟିଭି ଭାରତ, କଟକ