କଳିଙ୍ଗ ଷ୍ଟାଡିୟମରେ ଓଡିଶା ବିଧାନସଭାର ସମସ୍ତ ବିଧାୟକ

ଭୁବନେଶ୍ବର: କଳିଙ୍ଗ ଷ୍ଟାଡିୟମରେ ଓଡିଶା ବିଧାନସଭାର ସମସ୍ତ ବିଧାୟକ । ଦଳ ମତ ନିର୍ବିଶେଷରେ ସମସ୍ତେ ବିଧାୟକ ଏକା ସାଙ୍ଗରେ ମୋ ବସରେ ବସି କଳିଙ୍ଗ ଷ୍ଟାଡିୟମକୁ ଯାଇଥିଲେ । କଳିଙ୍ଗ ଷ୍ଟାଡିୟମରେ ବିକାଶମୂଳକ କାର୍ଯ୍ୟ ଓ କ୍ରୀଡା ପାଇଁ ହୋଇଥିବା ଭିତ୍ତିଭୂମିକୁ ବୁଲି ଦେଖିଥିଲେ । ଆଗକୁ ଅନେକ ବଡ ବଡ ପ୍ରତିଯୋଗୀତା ଖେଳାଯିବାକୁ ଥିବା ବେଳେ ନିର୍ମାଣଧୀନ ୱାର୍ଲଡ କ୍ଲାସ ସ୍ତରୀୟ ଭିତ୍ତିଭୂମି ବୁଲି ଦେଖିବା ସହ କ୍ରୀଡାର ବିକାଶ ପାଇଁ ରାଜ୍ୟ ସରକାରଙ୍କ କାର୍ଯ୍ୟକୁ କେବଳ ବିଜେଡି ବିଧାୟକ କାହିଁକି କଂଗ୍ରେସ ଓ ବିଜେପି ବିଧାୟକ ମାନେ ମଧ୍ୟ ଭୁରି ଭୁରି ପ୍ରଶଂସା କରିଛନ୍ତି । ଶେଷରେ କଳିଙ୍ଗ ଷ୍ଟାଡିୟମରେ ଖେଳା ଯାଉଥିବା ସାଫ ଅଣ୍ଡର 20 ଚାମ୍ପିୟାନସିପର ଭାରତ ଓ ବାଂଲାଦେଶ ମ୍ୟାଚର ମଜା ଉଠେଇଲେ ବିଧାୟକମାନେ । ପ୍ରଥମେ ବିଧାୟକ ମାନେ ହକି କମ୍ପ୍ଲେକ୍ସ ବୁଲି ଦେଖିଥିଲେ । ଏହାପରେ ଆଥଲେଟିକ ହାଇପରଫର୍ମାନ୍ସ ସେଣ୍ଟର, ଅକ୍ୱାଟିକ କମ୍ପ୍ଲେକ୍ସ, ବ୍ୟାଡମିଣ୍ଟନ ହାଇପରଫର୍ମାନ୍ସ ସେଣ୍ଟର, ଟେନିସ ସେଣ୍ଟର, ହକି ହାଇପରଫର୍ମାନ୍ସ ସେଣ୍ଟର, ଷ୍ଟାଫ ବିଲ୍ଡିଂ, କ୍ଳାଇବିଙ୍ଗ ୱାଲ, ଖେଲୋ ଇଣ୍ଡିଆ ଏକସିଲେନ୍ସି ସେଣ୍ଟର, ବିଜୁ ପଟ୍ଟନାୟକ ସୁଇମିଙ୍ଗ କମ୍ପ୍ଲେକ୍ସ, ଜିମ୍ନାଷ୍ଟିକ ସେଣ୍ଟର, ୱେଟଲିଫଟିଂ ସେଣ୍ଟର ବୁଲି ଦେଖିଥିଲେ ସମସ୍ତ ବିଧାୟକ । ଇଟିଭି ଭାରତ, ଭୁବନେଶ୍ବର