ପେଟ୍ରୋଲ ପକାଇବା ବେଳେ କାରରେ ଲାଗିଲା ନିଆଁ

ମୁମ୍ବାଇ: ପେଟ୍ରୋଲ ପମ୍ପରେ ହୁତୁହୁତୁ ହୋଇ ଜଳିଲା କାର୍ । ତେଲ ପକାଉଥିବା ସମୟରେ ହଠାତ୍ ଏକ କାର ଇଞ୍ଜିନରେ ନିଆଁ ଲାଗିଯାଇଥିଲା । ଫଳରେ ଆଖି ପିଛୁଳାକେ ଜଳି ଉଠିଥିଲା କାର୍ । ଉପସ୍ଥିତ ପେଟ୍ରୋଲ ପମ୍ପ କର୍ମଚାରୀମାନେ ଅଗ୍ନି ନିର୍ବାପକ ଯନ୍ତ୍ର ସାହାଯ୍ୟରେ ନିଆଁକୁ ଆୟତ୍ତ କରିଥିଲେ । ଫଳରେ ଏକ ବଡ ଅଘଟଣ ଟଳି ଯାଇଥିଲା । ମହାରାଷ୍ଟ୍ର ଔରଙ୍ଗାବାଦରୁ ସାମ୍ନାକୁ ଆସିଛି କାରରେ ନିଆଁ ଲାଗିବାର ଏହି ଦୃଶ୍ୟ ।