କୁଶଭଦ୍ରା ନଦୀରେ ଘାଇ, ୭ରୁ ଅଧିକ ଗାଁ ପ୍ରଭାବିତ ହେବା ଆଶଙ୍କା

ପୁରୀ: ରାଜ୍ୟରେ ତାଣ୍ଡବ କରୁଛି ବନ୍ୟା । ପୁରୀ, କଟକ, ଜଗତସିଂହପୁର, କେନ୍ଦ୍ରାପଡା ଓ ଯାଜପୁର ସମେତ ଅଧିକାଂଶ ଜିଲ୍ଲା ବନ୍ୟାରେ ଗୁରୁତର ପ୍ରଭାବିତ ହୋଇଛି । ଅନେକ ସ୍ଥାନରେ ନଦୀ ଉଛୁଳି ଘାଇ ସୃଷ୍ଟି ହୋଇଥିବା ବେଳେ ଆଜି ସକାଳୁ ପୁରୀ ଜିଲ୍ଲା ଗୋପର କୁଶଭଦ୍ରା ନଦୀରେ ୨୫ ଫୁଟର ଘାଇ ହୋଇଛି । ଗଣେଶ୍ବରପୁର ପଞ୍ଚାୟତର ଖଣ୍ଡିଆକୁଦ ଗାଁରେ ଏହି ଘାଇ ହୋଇଛି । ଏହାଦ୍ବାରା ଚାଷଜମି ସବୁ ଜଳମଗ୍ନ ହେବା ସହ ବନ୍ୟାଜଳ ଏବେ ଗାଁ ମୁହାଁ ହୋଇଛି । ଏଥିରେ ଗୋପ ବ୍ଲକର ଗଣେଶ୍ବରପୁର, ନାଗପୁର ପଞ୍ଚାୟତର ୭ରୁ ଅଧିକ ଗାଁ ପ୍ରଭାବିତ ହେବାର ଆଶଙ୍କା ରହିଛି । ପ୍ରଶାସନ ଘଟଣାସ୍ଥଳରେ ପହଞ୍ଚି ଲୋକଙ୍କୁ ସୁରକ୍ଷିତ ସ୍ଥାନକୁ ନେବା ପାଇଁ ପ୍ରୟାସ ଆରମ୍ଭ କରିଛି ।