ରାଜଧାନୀରେ ସପ୍ତାହନ୍ତ ସଟଡ଼ାଉନ, ଖାଁ ଖାଁ ସ୍ମାର୍ଟସିଟି

ଭୁବନେଶ୍ବର: ଦେଶରେ କୋରୋନା ସଂକ୍ରମଣକୁ ରୋକିବା ପାଇଁ ରାଜ୍ୟ ସରକାର ସପ୍ତାହର 2 ଦିନ ସଟଡ଼ାଉନ ଘୋଷଣା କରିଛନ୍ତି । ସପ୍ତାହନ୍ତ ସଟଡାଉନର ଆଜି ହେଉଛି ପ୍ରଥମ ଦିନ । କଡାକଡି ଭାବେ ଲାଗୁ କରାଯାଉଛି ସଟଡ଼ାଉନ । ରାଜମହଲ ଛକ ନିକଟରେ ପୋଲିସ ଫୋର୍ସକୁ ମୁତୟନ କରାଯାଇଛି । ଜରୁରୀକାଳୀନ ସେବାକୁ ବାଦ ଦିଆଯାଇଥିବା ବେଳେ କେବଳ ରାଜଧାନୀରେ ମୋ ବସ ଚାଲୁ ରହିଛି । ପ୍ରାୟ ସବୁ ଛକରେ ପୋଲିସ ପକ୍ଷରୁ ନାକା ହୋଇଛି । ଭୁବନେଶ୍ୱରର ଏବେ ହଟସ୍ପଟ ଭାବେ ଉଭା ହୋଇଛି । ଟେଷ୍ଟିଙ୍ଗ , ଟ୍ରାକିଂ, ସଂଗରୋଧ ଉପରେ ଗୁରୁତ୍ୱ ଦେଇଛି ବିଏମସି । ସେପଟେ ଲଗାତାର ତୃତୀୟ ଦିନ ପାଇଁ 6 ହଜାର ଉପରେ ରହିଛି ପଜିଟିଭ ସଂଖ୍ୟା ।