ସୁନ୍ଦରୀକୁ ଫେରାଇନେବେ ଶିବରାଜ ସିଂ, ସାତକୋଶିଆ ଗ୍ରାମବାସୀ ମୁହଁରେ ଫୁଟିଲା ହସ

ଅନୁଗୋଳ: ମଧ୍ୟପ୍ରଦେଶର ମୁଖ୍ୟମନ୍ତ୍ରୀଙ୍କ ଓଡିଶାର ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ବାଘୁଣୀର ଯତ୍ନ ନେବାକୁ ନିବେଦନ । ମଧ୍ୟପ୍ରଦେଶରୁ ସାତକୋଶିଆ ଆସି ବନ୍ଦୀ ଥିବା ବାଘୁଣୀକୁ କାହ୍ନା ଟାଇଗର ରିଜର୍ଭକୁ ସ୍ଥାନାନ୍ତରିତ ହେବା ପର୍ଯ୍ୟନ୍ତ ତାର ଉପଯୁକ୍ତ ଯତ୍ନ ନେବାକୁ ନବୀନଙ୍କୁ ଅନୁରୋଧ କରିଛନ୍ତି ଶିବରାଜସିଂ ଚୌହାନ । ଏଭଳି ଏକ ଚିଠି ମଧ୍ୟପ୍ରଦେଶ ସରକାରଙ୍କ ଠୁ ଆସିବା ପରେ ବାଘୁଣୀ ଫେରିଯିବ ବୋଲି ସାତକୋଶିଆ ଅଧିବାସୀ ଏବେ ବେଶ ଖୁସି ।