ବାଲୁକା ଚିତ୍ରରେ ନବ ବର୍ଷର ଅଭିନନ୍ଦନ, ପଦ୍ମ ପାଖୁଡାରେ କଳା ଠାକୁର

ପୁରୀ: ନୂତନ ବର୍ଷ ଅଭିନନ୍ଦନ ପରସ୍ପର ବାଣ୍ଟୁଛନ୍ତି ସମସ୍ତେ । ବିଶିଷ୍ଟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ 2021ର ଅଭିନନ୍ଦନ ବାର୍ତ୍ତା ନିଜ ବାଲୁକା ଚିତ୍ର କଳା ମାଧ୍ୟମରେ ଦେଇଛନ୍ତି । ପୁରୀ ବେଳାଭୂମିରେ ସେ ଏହି ସୁନ୍ଦର ବାଲୁକା ଚିତ୍ର କଳାଟି କରିଛନ୍ତି । ମହାପ୍ରଭୁ ଶ୍ରୀଜଗନ୍ନାଥ ପଦ୍ମ ପାଖୁଡା ଭିତରେ ଥିବା ଏହି ବାଲୁକା ଚିତ୍ର କଳାରେ ରହିଛି । ଯାହାକି ବେଶ ଆକର୍ଷଣୀୟ ହୋଇଛି । 2021 ମସିହା ସମସ୍ତଙ୍କ ପାଇଁ ସୁଖ ସମୃଦ୍ଧିର ବର୍ଷ ହେଉ ବୋଲି ତାଙ୍କ ବାଲୁକା ଚିତ୍ର କଳା ମାଧ୍ୟମରେ ସୁଦର୍ଶନ ବାର୍ତ୍ତା ଦେଇଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ