ଦୃଷ୍ଟିହୀନ ଦମ୍ପତିଙ୍କୁ 58 ଲକ୍ଷର ବିଦ୍ୟୁତ ବିଲ୍ ଛାଟ

ଭୁବନେଶ୍ବର: ଶହେ ନୁହେଁ କି ହଜାରେ ବି ନହେଁ ଏକ ଦୃଷ୍ଟିହୀନ ଦମ୍ପତିଙ୍କ ଆସିଛି 58 ଲକ୍ଷର ବିଦ୍ୟୁତ ବିଲ୍ । ଆଶ୍ଚର୍ଯ୍ୟ ଲାଗିଲେ ବି କଥାଟା ସତ, ଜାନୁଆରୀ ମାସରୁ ଏପର୍ଯ୍ୟନ୍ତ ବିଦ୍ୟୁତ ବିଲ୍ ଆସିଛି 58 ଲକ୍ଷ 85 ହଜାର 844.46 ଟଙ୍କା। ରାଜଧାନୀ ଠାରୁ କିଛି ଦୂରରେ ଅଛି ପାଞ୍ଚ ଗାଁ । ଏଠାରେ ରୁହନ୍ତି ପ୍ରସନ୍ନ ନାୟକ ଓ ସବିତା ନାୟକ । ଦୃଷ୍ଟିହୀନ ଦମ୍ପତ୍ତିଙ୍କ ଘରେ ରହିଛି ମାତ୍ର 4 ଟି ବଲ ଓ 2ଟି ଫ୍ୟାନ୍ । ଯାହା ଦରକାର ହେଲେ ବ୍ୟବହାର କରନ୍ତି। ଏହା ଛଡା ସେମାନେ ଅନ୍ୟ କୌଣସି ବିଦ୍ୟୁତ ବ୍ୟବହୃତ ସାମଗ୍ରୀ ବ୍ୟବହାର କରନ୍ତି ନାହିଁ। ଯାହା ପାଇଁ ସେମାନେ ଏତେ ଟଙ୍କାର ବିଲ ଆସିବା ଦେଖି ଖୁବ ଚିନ୍ତିତ ହୋଇ ପଡିଛନ୍ତି । ତାଙ୍କ କହିବା କଥା ହେଲା, ଏହିପରି ତାଙ୍କର ଅଧିକ ବିଲ ଆସିବାରୁ ସେ ଗତ ଡିସେମ୍ବର ମାସରେ ନୂଆ ମିଟର ମଧ୍ୟ ଲଗାଇଥିଲେ। ଆଉ ଏହି 58 ଲକ୍ଷର ବିଲ୍ ଡିସେମ୍ବର 28 ଠାରୁ ଜୁଲାଇ 23 ତାରିଖ ପର୍ଯ୍ୟନ୍ତର।