ଅବହେଳିତ ଦ୍ବିତୀୟ କଳାପାଣି ଜେଲ, ଏଯାଏଁ ମିଳିନି ସ୍ମାରକୀ ମାନ୍ୟତା

ଇତିହାସର ଆଢୁଆଳରେ ଶହୀଦ ପୁଅ । ବୀରପୁତ୍ରଙ୍କ ବଳିଦାନକୁ ଧୀରେ ଧୀରେ ଭୁଲିଯାଉଛି ସମାଜ। ସଙ୍ଘର୍ଷ କରି ସଂଗ୍ରାମୀ ନାଁ ନେଇଥିବା ବେଳେ ଅଲୋଡ଼ା ଓ ଅବହେଳିତ ଅବସ୍ଥାରେ ପଡିଛି ଶହୀଦଙ୍କ ସ୍ମୃତି ସ୍ଥଳୀ । ସେଥିମଧ୍ୟରୁ ଦ୍ଵିତୀୟ କଳାପାଣିର ଆଖ୍ୟା ମୁଣ୍ଡାଇଥିବା ନବରଙ୍ଗପୁର ସହରର ପୁରୁଣା ଜେଲ । ସ୍ୱାଧୀନତା ସଂଗ୍ରାମର ମୂକସାକ୍ଷୀ ଭାବେ ଠିଆ ହୋଇଥିବା ଏହି ଜେଲ ଆଜି ଭଗ୍ନ ଅବସ୍ଥାରେ। ଅଳିଆ ଆବର୍ଜନା ସହ ବିଭିନ୍ନ ପ୍ରକାରର ଗଛ ଉଠି ଜଙ୍ଗଲ ସୃଷ୍ଟି ହେଲାଣି । ଜେଲ ସମ୍ପୂର୍ଣ୍ଣ ଭାଙ୍ଗି ରୁଜି ଯାଇଥିବା ବେଳେ ଆଉ କିଛି ଦିନ ପରେ ନିଜର ସତ୍ତା ହରେଇ ବସିବ । ସତେ ଯେମିତି ଭୂତ କୋଠୀ ଭାବେ ଦଣ୍ଡାୟମାନ ହୋଇ ସମ୍ମାନ ମାଗୁଛି ଶହୀଦଙ୍କ ସ୍ମୃତି ପୀଠ ।