ଚଳନ୍ତା ଅବସ୍ଥାରେ ଟ୍ରକରେ ଲାଗିଲା ନିଆଁ, ଡ୍ରାଇଭର ଫେରାର

ବାରିପଦା: ଚଳନ୍ତା ଟ୍ରକରେ ଲାଗିଲା ନିଆଁ । ଟ୍ରକର ଚକ ଫାଟିଯିବାରୁ ଟ୍ରକରେ ନିଆଁ ଲାଗିଥିବା ସୂଚନା ମିଳିଛି । ଗତକାଲି(ଶନିବାର) ବିଳମ୍ବିତ ରାତିରେ ମୟୂରଭଞ୍ଜ ଜିଲ୍ଲା ବାଙ୍ଗରିପୋଷି ଥାନା ଅନ୍ତର୍ଗତ MDR ୪୫ ରାସ୍ତା ଜଗନ୍ନାଥଖୁଣ୍ଟା ନିକଟରେ ଆଜବେଷ୍ଟସ ବୋଝେଇ ଟ୍ରକରେ ଲାଗିଛି ନିଆଁ । ଟ୍ରକରେ ନିଆଁ ଲାଗିବା ଦେଖି ଟ୍ରକ ଡ୍ରାଇଭର ନାଗା ସିଂ ଟ୍ରକରୁ ଡେଇଁ ବାହାରକୁ ପଳାଇଥିଲେ । ଏହାପରେ ବାଙ୍ଗରିପୋଷି ଅଗ୍ନିଶମ ବିଭାଗକୁ ଟ୍ରକ ଡ୍ରାଇଭର ଏ ନେଇ ଖବର ଦେଇଥିଲେ। ଖବର ପାଇ ଅଗ୍ନିଶମ ବିଭାଗର କର୍ମଚାରୀ ଘଟଣା ସ୍ଥଳରେ ପହଞ୍ଚି ନିଆଁ ଆୟତ୍ତ କରିଥିଲେ ମଧ୍ୟ ଟ୍ରକଟି ଜଳିଯାଇଥିଲା । ଟ୍ରକଟି ଆଜବେଷ୍ଟସ ନେଇ ବାରିପଦାରୁ ବାଙ୍ଗରିପୋଷି ଯାଉଥିଲା ବୋଲି ଜଣାପଡି଼ଛି । ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ