ଚିତ୍ରକୋଣ୍ଡାରେ ଗଣଶିକ୍ଷା ମନ୍ତ୍ରୀ, ବୁଲିବୁଲି ପିଲାଙ୍କୁ ପଚାରିଲେ ପାଠ

ମାଲକାନଗିରି: ବିଚ୍ଛିନ୍ନାଞ୍ଚଳ ନାମରେ ଜଣାଶୁଣା ଥିବା ମାଲକାନଗିରି ଚିତ୍ରକୋଣ୍ଡାରେ ଆଜି ଗଣଶିକ୍ଷା ମନ୍ତ୍ରୀଙ୍କ ପାଦ ପଡିଛି । ସ୍ବାଭିମାନ ଅଞ୍ଚଳରେ ଗଣଶିକ୍ଷା ମନ୍ତ୍ରୀ ସମୀର ଦାସ ପାଦ ଥାପିବା ପରେ ତାଙ୍କୁ ଫୁଲ ମାଳା ପିନ୍ଧାଇ ପାରମ୍ପରିକ ଲୋକନୃତ୍ୟରେ ପାଛୋଟି ନେଇଛନ୍ତି ଆଦିବାସୀ । ବଡପଦର, ବଡପଡା, ଯନ୍ତ୍ରୀ ଓ ଜୋଡାଆମ୍ବ ପଞ୍ଚାୟତର ଗୋଟିଏ ପରେ ଗୋଟିଏ ବିଦ୍ୟାଳୟକୁ ଯାଇ ପିଲାଙ୍କ ପାଠ ବାବଦରେ ପଚାରି ବୁଝିଛନ୍ତି ମନ୍ତ୍ରୀ । କେବଳ ଏତିକି ନୁହେଁ ସ୍ବାଭିମାନ ଅଞ୍ଚଳର ଆଦିବାସୀ ପିଲାଙ୍କ ସହ ବସି ମଧ୍ୟାନ୍ନ ଭୋଜନ ମଧ୍ୟ କରିଛନ୍ତି ସେ ।