ଲକଡାଉନ ପ୍ରଭାବ: ଫେରୁଛି ପରିବେଶ ପ୍ରହରୀ ଘରଚଟିଆ

ବରଗଡ଼: କୋରୋନା ମହାମାରୀ ମଣିଷ ପାଇଁ କାଳ ହୋଇଛି କିନ୍ତୁ ବରଦାନ ସାଜିଛି ପ୍ରକୃତି ପାଇଁ । ଦୀର୍ଘ ଦିନର ଲକଡାଉନ ଯୋଗୁଁ ପରିବେଶରେ ହୋଇଛି ଅନେକ ପରିବର୍ତ୍ତନ । ସ୍ବଚ୍ଛ ନିର୍ମଳ ପରିବେଶ ଯୋଗୁଁ ଧୀରେ ଧୀରେ ଫେରୁଛନ୍ତି ଅନେକ ବିଲୁପ୍ତ ପ୍ରାୟ ଜୀବଜନ୍ତୁ । ଆଉ ଏମିତିରେ ଘର ବାହୁଡ଼ିଛି ଅନେକ ଦିନରୁ ହଜିଯାଇଥିବା ଘରଚଟିଆ । ବରଗଡ଼ ଜିଲ୍ଲାର ଗ୍ରାମାଞ୍ଚଳ ମାନଙ୍କରେ ଏବେ ଶୁଣିବାକୁ ମିଳିଛି ଏହି କୁନି ଚଢ଼େଇର କିଚିରି ମିଚିରି ଶବ୍ଦ । ଅଧିକ ମାତ୍ରାରେ ନହେଲେ ମଧ୍ୟ ଅଳ୍ପ ସଂଖ୍ୟାରେ ଘର ଚଟିଆ ଦେଖିବାକୁ ମିଳିଛନ୍ତି । ଯାହାକୁ ଦେଖି ପରିବେଶ ପ୍ରେମୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି ।