କଟକ: ଆଜି(ରବିବାର) ଭାରତ ଓ ଇଂଲଣ୍ଡ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ ଆରମ୍ଭ ହୋଇଯାଇଛି । କଟକ ବାରବାଟୀ ଷ୍ଟାଡିୟମରେ ଅନୁଷ୍ଠିତ ଏହି ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଟିମ ଇଂଲଣ୍ଡ । ଫଳରେ ପ୍ରଥମେ ବୋଲିଂ କରିଛି ଭାରତୀୟ ଦଳ । ତେବେ ଶେଷ ଓଭରରେ ସମସ୍ତ ଓ୍ବିକେଟ ହରାଇ ୩୦୪ ରନ ହାସଲ କରିଛି ଇଂଲଣ୍ଡ । ଅନ୍ୟପଟେ ଜାଡେଜା ସର୍ବାଧିକ ୩ଟି ଓ୍ବିକେଟ ହାସଲ କରିଛନ୍ତି ।
ଇଣ୍ଡିଆ ଆଗରେ ୩୦୫ ରନର ଟାର୍ଗେଟ:
ପ୍ରଥମରୁ ଇଂଲଣ୍ଡ ଖେଳାଳିଙ୍କ ଆକ୍ରାମକ ଖେଳ ଦେଖିବାକୁ ମିଳିଥିଲା । ତେବେ ୧୦.୫ ଓଭରରେ ବରୁଣ ଚକ୍ରବର୍ତ୍ତୀ ବୋଲିଂ ସଲ୍ଟଙ୍କୁ ଆଉଟ କରି ପ୍ରଥମ ଓ୍ବିକେଟ ହାସଲ କରିଥିଲେ । ଏହାପରେ ୧୫.୫ ଓଭରରେ ଇଂଲଣ୍ଡର ଡକେଟଙ୍କ ଓ୍ବିକେଟର ପତନ ଘଟିଥିଲା । ଏହାପରେ ୨୯.୪ ଓଭରରେ ବ୍ରୁକଙ୍କ ଓ୍ବିକେଟ ନେଇଥିଲେ ହର୍ଷିତ ରାଣା । ୩୮.୪ ଓଭରରେ ବଟଲର କ୍ୟାଚ ଆଉଟ ହୋଇଯାଇଥିଲେ । ଏହାପରେ ରୁଟ ୪୨.୩ ଓଭରରେ ରବିନ୍ଦ୍ର ଜାଡେଜାଙ୍କ ବୋଲିଂ କରୁଥିବା ବେଳେ କୋହଲିଙ୍କ ହାତରେ କ୍ୟାଚ ଆଉଟ ହୋଇଥିଲେ ।
2ND ODI. WICKET! 49.5: Mark Wood 0(1) Run Out K L Rahul, England 304 all out https://t.co/NReW1eEQtF #INDvENG @IDFCFIRSTBank
— BCCI (@BCCI) February 9, 2025
ବେନ ଡକେଟ, ରୁଟ ଓ ଲିଭିଙ୍ଗଷ୍ଟୋନଙ୍କ ବିସ୍ଫୋରକ ବ୍ୟାଟିଂ ବଳରେ ନିର୍ଦ୍ଧାରିତ ଓଭରରେ ଓ୍ବିକେଟ ହରାଇ ରନ ସଂଗ୍ରହ କରିଛି ଇଂଲଣ୍ଡ । ତେବେ ଭାରତ ଆଗରେ ଏବେ ୩୦୫ ରନର ଟାର୍ଗେଟ ରହିଛି । ଓପନର ବେନ ଡକେଟ ୫୬ବଲରେ ୬୫ରନ କରିଥିବା ବେଳେ ଜୋ ରୁଟ ୭୨ ବଲରେ ୬୯ ଓ ଲିଭିଙ୍ଗଷ୍ଟୋନ ୩୨ ବଲରେ ୪୧ ରନ କରିଛନ୍ତି । ଶେଷ ଓଭରରେ ଲିଭିଙ୍ଗଷ୍ଟୋନ ରନ ଆଉଟ ହୋଇଯାଇଥିଲେ ।
ଜାଡେଜାଙ୍କୁ ସର୍ବାଧିକ ଓ୍ବିକେଟ:
ଅନ୍ୟପଟେ ଭାରତୀୟ ବୋଲରଙ୍କ ମଧ୍ୟରେ ଜାଡେଜା ୩ଟି ଓ୍ବିକେଟ ନେଇଥିବା ବେଳେ, ମହମ୍ମଦ ସାମି, ବରୁଣ ଚକ୍ରବର୍ତ୍ତୀ, ହର୍ଷିତ ରାଣା, ହାର୍ଦ୍ଦିକ ପାଣ୍ଡ୍ୟା ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି । ଶେଷ ଓଭରରେ ମହମ୍ମଦ ସାମି ବୋଲିଂ କରିଥିବା ବେଳେ ଏହି ଓଭରରେ ସେ ଲିଭିଙ୍ଗଷ୍ଟୋନଙ୍କ ଭଳି ଗୁରୁତ୍ୱପୂର୍ଣ୍ଣ ଓ୍ବିକେଟ ହାସଲ କରି କମବ୍ୟାକ କରିଥିଲେ ।
ଏହାମଧ୍ୟ ପଢନ୍ତୁ... ଟସ୍ ହାରି ଭାରତର ବୋଲିଂ ଜାରି, ଏକାଦଶକୁ ଫେରିଲେ କୋହଲି - INDIA VS ENGLAND 2ND ODI ବାରବାଟୀରେ ପହଞ୍ଚିଲେ ଦୁଇ ଦେଶର ଖେଳାଳି, ଦର୍ଶକଙ୍କ ପାଇଁ ଖୋଲିଲା ଷ୍ଟାଡିୟମ |
ଭାରତ ଏକାଦଶ: ରୋହିତ ଶର୍ମା (ଅଧିନାୟକ), ଶୁବମନ ଗିଲ (ଉପଅଧିନାୟକ), ବିରାଟ କୋହଲି, ଶ୍ରେୟସ ଆୟର, ହାର୍ଦ୍ଦିକ ପାଣ୍ଡ୍ୟା, କେଏଲ ରାହୁଲ, ଅକ୍ଷର ପଟେଲ, ରବିନ୍ଦ୍ର ଜାଡେଜା, ହର୍ଷିତ ରାଣା, ମହମ୍ମଦ ଶାମି, ବରୁଣ ଚକ୍ରବର୍ତ୍ତୀ ।
ଇଂଲଣ୍ଡ ଏକାଦଶ: ଫିଲିପ୍ ସଲ୍ଟ , ବେନ୍ ଡକେଟ, ଜୋ ରୁଟ୍, ହ୍ୟାରି ବ୍ରୁକ୍, ଜସ୍ ବଟଲର୍ (ଅଧିନାୟକ), ଲିଆମ୍ ଲିଭିଙ୍ଗଷ୍ଟୋନ୍, ଜେମି ଓଭରଟନ୍, ଗସ୍ ଆଟକିନସନ୍, ଆଦିଲ୍ ରସିଦ୍, ମାର୍କ ଉଡ୍, ସାକିବ୍ ମହମୁଦ୍ ।
