Manabasa: କଟକଣାରେ ଲକ୍ଷ୍ମୀନାରାୟଣ ପୂଜା ଆରମ୍ଭ

ଯାଜପୁର: ଆଜି(ଗୁରୁବାର) ହେଉଛି ମାର୍ଗଶୀର ମାସର ଶେଷ ଗୁରୁବାର ତଥା ମାଣବସା । ଏଥିଲାଗି ଆଜି ଠାରୁ ବ୍ୟାସନଗର ପୌରପରିଷଦରେ କୋଭିଡ଼ କଟକଣା ଭିତରେ ଆରମ୍ଭ ହୋଇଛି ଲକ୍ଷ୍ମୀନାରାୟଣଙ୍କ ପୂଜା । ଏବର୍ଷ ବ୍ୟାସନଗର ସହରର ମୁଣ୍ଡମାଳ, ସନ୍ତରା, ଦଳା ଓ ଖଣ୍ଡାହାତା ଗାଁରେ ଲକ୍ଷ୍ମୀନାରାୟଣ ପୂଜା ପାଇଁ 'କଳସ ବୁଡ଼ା' କାର୍ଯ୍ୟକ୍ରମ ଶେଷ ହୋଇଛି । ଏଥିସହିତ ପ୍ରତ୍ୟେକ ପୂଜା ମଣ୍ଡପରେ କମ ସଂଖ୍ୟକ ଭକ୍ତ ଓ କର୍ମକର୍ତ୍ତାଙ୍କୁ ନେଇ ପୂଜାର୍ଚ୍ଚନା ଆରମ୍ଭ ହୋଇଛି । ତେବେ ଭକ୍ତଙ୍କ ମନରେ ଦୁଃଖ ଥିଲେ ବି ଏଥର ନିରାଡମ୍ବର ଭାବେ ଲକ୍ଷ୍ମୀନାରାୟଣ ପୂଜା ଆରମ୍ଭ ହୋଇଛି । ସେପଟେ ସହରରେ ୩ ଦିନ ପୂଜାକୁ ଲକ୍ଷ୍ୟ ରଖି ଯାଜପୁର ରୋଡ଼ ପୋଲିସ ପକ୍ଷରୁ ସବୁ ମଣ୍ଡପରେ ପୋଲିସ ମୁତୟନ ହୋଇଥିବା ଦେଖିବାକୁ ମିଳିଛି।