ମୋହନ ମାଝୀ ମିଛ କୁହନ୍ତୁ ନାହିଁ: ନିରଞ୍ଜନ

କେନ୍ଦୁଝର: ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ଆକ୍ରମଣ ଘଟଣା ପରେ ଆଜି କଂଗ୍ରେସ ଭବନରେ ଏକ ସାମ୍ବାଦିକ ସମ୍ମିଳନୀ କରି ସଦର ବିଧାୟକଙ୍କୁ ମିଛୁଆ ବୋଲି କହିଛନ୍ତି ନିରଞ୍ଜନ । ଗତକାଲି (ସୋମବାର) ନିରଞ୍ଜନଙ୍କୁ ଆକ୍ରମଣ କରିଥିବା ଯୁବକ ସଞ୍ଜୟ ମହାନ୍ତି ଗିରଫ ହୋଇଛନ୍ତି । ଅଭିଯୁକ୍ତ ଜଣକ ବିଜେପି ସହ ସମ୍ପୃକ୍ତ ଥିବା ପିସିସି ସଭାପତି ନିରଞ୍ଜନ କହୁଥିବା ବେଳେ ଏହି କଥାକୁ ଖଣ୍ଡନ କରିଛନ୍ତି କେନ୍ଦୁଝର ବିଧାୟକ ତଥା ବିଜେପି ମୁଖ୍ୟ ସଚେତକ ମୋହନ ମାଝୀ ।