ଆସୁଛନ୍ତି ମୁଣ୍ଡମାଳାଧାରିଣୀ: 96 ବର୍ଷରେ ଭଦ୍ରକ କାଳୀପୂଜା

ଭଦ୍ରକ: ଭଦ୍ରକ ଓ କାଳୀପୂଜା । ଗୋଟିଏ ମୁଦ୍ରାର 2ଟି ପାର୍ଶ୍ବ ପରି । ଭଦ୍ରକବାସୀଙ୍କ ଲାଗି ଏହା ଗଣପର୍ବ କହିଲେ ଅତ୍ୟୁକ୍ତି ହେବନି । ପୂଜା ଦେଖିବାକୁ ରାଜ୍ୟ ଓ ରାଜ୍ୟ ବାହାରୁ ଛୁଟି ଆସନ୍ତି ଭକ୍ତ । 96 ବର୍ଷରେ ପହଞ୍ଚିଛି ଏହି ପ୍ରସିଦ୍ଧ କାଳୀପୂଜା । ଆଉ ଏଥିପାଇଁ ଚଳଚଞ୍ଚଳ ଭଦ୍ରକ ସହର । ଆକର୍ଷଣୀୟ ମଣ୍ଡପ ଓ ତୋରଣ ଲାଗି ପୂଜା କମିଟି ମଧ୍ୟରେ ଚାଲିଛି ଅଘୋଷିତ ପ୍ରତିଯୋଗିତା । ଲୋକଙ୍କୁ ଆକୃଷ୍ଟ କରିବାର ସମସ୍ତ ପ୍ରୟାସ । ସର୍ବତ୍ତୋମ କାରୁକାର୍ଯ୍ୟ ଲାଗି ରାଜ୍ୟ ବାହାରୁ ଆଣିଛନ୍ତି କାରିଗର । ଦିନ ରାତି ଏକ କରିଦେଇଛନ୍ତି କାରିଗର । ସୁନ୍ଦର ତୋରଣ ଲାଗି ଆପଣାଇଛନ୍ତି ଶ୍ରେଷ୍ଠ କାରିଗରୀ କୌଶଳ । ସେପଟେ ମାଆଙ୍କୁ ଶେଷ ସ୍ପର୍ଶ ଦେବାକୁ ତୟାର ଶିଳ୍ପୀ ।