ରଥଯାତ୍ରା ବନ୍ଦ ନିଷ୍ପତ୍ତି, ପୁରୀ ବନ୍ଦ ଡାକରା ଦେଲା ଶ୍ରୀଜଗନ୍ନାଥ ସେନା

ପୁରୀ: ସୁପ୍ରିମକୋର୍ଟଙ୍କ ନିଷ୍ପତ୍ତି ବିରୋଧରେ ବଡଦାଣ୍ଡକୁ ଓହ୍ଲାଇଛି ଶ୍ରୀଜଗନ୍ନାଥ ସେନା । ସେନା ପକ୍ଷରୁ ବଡଦାଣ୍ଡ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏହାସହ କୋର୍ଟଙ୍କ ନିଷ୍ପତ୍ତି ପ୍ରତିବାଦରେ ଆସନ୍ତାକାଲି(ଶୁକ୍ରବାର) ପୁରୀ ବନ୍ଦ ଡାକରା ଦିଆଯାଇଛି । ଏହାକୁ ପ୍ରତ୍ୟେକ ଜିଲ୍ଲାରେ ଆକୁଣ୍ଠ ସମର୍ଥନ ଜଣାଇବା ପାଇଁ ଶ୍ରୀଜଗନ୍ନାଥ ସେନାର ଆବାହକ ପ୍ରିୟ ଦର୍ଶନ ପଟ୍ଟନାୟକ ଆହ୍ବାନ କରିଛନ୍ତି । ଅନ୍ୟପଟେ ଏହି ନିଷ୍ପତ୍ତି ପଛରେ ରାଜ୍ୟ ସରକାରଙ୍କ ହାତ ରହିଛି ବୋଲି ଦାବି କରିଛି ଶ୍ରୀଜଗନ୍ନାଥ ସେନା । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ