ଶିମିଳିପାଳକୁ ଇନ୍ଦ୍ରଦେବ ସାହା, ଖୁସିରେ ନାଚିଲେ ବନ କର୍ମଚାରୀ

ବାରିପଦା: ଶିମିଳିପାଳରେ ପଡିଛି ଇନ୍ଦ୍ରଦେବଙ୍କ କୃପା । ଜଙ୍ଗଲ ନିଆଁରେ ବର୍ଷାର ବୁନ୍ଦା ଶିମିଳିପାଳକୁ ଦେଇଛି ସାମାନ୍ୟ ଆଶ୍ବସ୍ତି । ଦିନ ରାତି ଏକ୍ କରି ନିଆଁ ଲିଭା କାମରେ ଲାଗିଥିଲେ ବନ ବିଭାଗର ଅଧିକାରୀ । ଏଥିରେ ନିୟୋଜିତ ଥିଲେ ମହିଳା ବନ ବିଭାଗ ଅଧିକାରୀ ସ୍ନେହା ଧଳ । ପ୍ରତିଦିନ 16 କିଲୋମିଟରର ଯାତ୍ରା କରି ସେ ଜଙ୍ଗଲ ନିଆଁ ଲିଭାନ୍ତି, ଘରେ ଛୋଟ ଛୁଆକୁ ଛାଡି ସେ ଲାଗିପଡନ୍ତି ଜଙ୍ଗଲ ନିଆଁ ଲିଭା କାର୍ଯ୍ୟରେ । ତେବେ ଶିମିଳାପାଳରେ ବର୍ଷର ପ୍ରଥମ ବର୍ଷା ବୁନ୍ଦା ପଡିବା ପରେ ନାଚି ଉଠିଛନ୍ତି ସ୍ନେହା । ତାଙ୍କ ଖୁସିର ଝଲକ ତାଙ୍କ ମୁହଁରେ ସ୍ପଷ୍ଟ ବାରି ହୋଇ ପଡିଛି । ତେବେ ଏହି ଭିଡିଓଟିକୁ ମୟୂରଭଞ୍ଜର ରାଜକୁମାରୀ ସେୟାର କରିଛନ୍ତି ।