ଷୋଡ଼ଶୀ ବେଶରେ ଦର୍ଶନ ଦେଲେ ମା' କଟକ ଚଣ୍ଡୀ, ଭାବବିହ୍ୱଳ ଭକ୍ତ

ଆଜି ମା' କଟକ ଚଣ୍ଡୀଙ୍କ ଷୋଡ଼ଶୀ ବେଶ । ମା'ଙ୍କ ଦର୍ଶନ ପାଇ ଭାବବିହ୍ବଳ ହୋଇ ପଡ଼ିଛନ୍ତି ଭକ୍ତ । ବିଶେଷକରି ଆଜି ନବରାତ୍ରିର ତୃତୀୟ ଦିନ ହୋଇଥିବାରୁ ଶକ୍ତି ପୀଠରେ ଅଧିକ ସଂଖ୍ୟକ ଶ୍ରଦ୍ଧାଳୁଙ୍କ ଭିଡ଼ ଜମି ଥିଲା । ତେବେ କୋଭିଡ ନିୟମ ପାଳନ କରି ମା'ଙ୍କ ଆଶିଷ ଲାଭ କରିଛନ୍ତି ଭକ୍ତ । ଗତବର୍ଷ କୋରୋନା କଟକଣା ଯୋଗୁଁ ମା'ଙ୍କ ଦର୍ଶନରୁ ବଞ୍ଚିତ ହୋଇଥିଲେ ଶ୍ରଦ୍ଧାଳୁ । ଚଳିତବର୍ଷ ଦର୍ଶନ ପାଇଁ ସୁଯୋଗ ମିଳୁଥିବାରୁ ଶ୍ରଦ୍ଧାଳୁମାନେ ବେଶ ଖୁସି ଜାହିର କରିଛନ୍ତି । ମନ୍ତ୍ର ଧ୍ବନିରେ ମନ୍ଦିର ପରିସରରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି । କଟକରୁ ନାରାୟଣ ସାହୁ, ଇଟିଭି ଭାରତ