Panchayat Poll: ବାଲିକୁଦା ବ୍ଲକରେ ବିଜେପିର ନିର୍ବାଚନୀ ପ୍ରଚାର ଜୋରଦାର

ଜଗତସିଂହପୁର: ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଅଞ୍ଚଳରେ ରାଜନୈତିକ ବାତାବରଣ ବେଶ ସରଗରମ ହୋଇଛି। ସ୍ଥାନୀୟ ବିଧାୟକ ତଥା ଜଳ ସମ୍ପଦ ମନ୍ତ୍ରୀଙ୍କ ନିଜ ନିର୍ବାଚନ ମଣ୍ଡଳୀରେ 8ଟି ଜିଲ୍ଲା ପରିଷଦ ଜୋନ ରହିଥିବା ବେଳେ ବାଲିକୁଦାରେ 4ଟି ଜୋନରେ ବିଜେପି ଓ ବିଜେଡି ମଧ୍ୟରେ ଜୋରଦାର ପ୍ରତିଦ୍ୱନ୍ଦିତା ଦେଖିବାକୁ ମିଳିଛି। ବାଲିକୁଦା ବ୍ଲକ 4 ନମ୍ବର ଜୋନ ପାଇଁ 5 ଜଣ ପ୍ରତିଦ୍ବନ୍ଦିତା କରୁଥିବା ବେଳେ ଭାରତୀୟ ଜନତା ପାର୍ଟି ପକ୍ଷରୁ ଜଣଙ୍କୁ ପ୍ରାର୍ଥୀ କରାଯାଇଛି । ଫଳରେ ବିଜେଡି ବିଜେପି ମଧ୍ୟରେ କଡା ଟକ୍କର ହେଉଥିବା ଦେଖିବାକୁ ମିଳିଛି। ଡାକ୍ତର ଶଶାଙ୍କ ଶେଖର ସାହାଣୀ ଡାକ୍ତରୀ ପେଶାରେ ଥାଇ ମଧ୍ୟ ଲୋକଙ୍କ ସେବା ପାଇଁ ରାଜନୀତିରେ ସେ ପାଦ ଦେଇଥିବା ପ୍ରକାଶ କରିଛନ୍ତି। ଏ ସମ୍ପର୍କରେ ତାଙ୍କ ସହ ଅଧିକ ଆଲୋଚନା କରିଛନ୍ତି ଆମ ଜଗତସିଂହପୁର ସମ୍ବାଦଦାତା ସୁଶାନ୍ତ କୁମାର ପାତ୍ର।