ହାଇଦ୍ରାବାଦ: ଭାରତୀୟ ମହାକାଶ ଗବେଷଣା ସଂସ୍ଥା (ISRO) GSLV-F15 ବା NVS-02 ମିଶନକୁ ଲଞ୍ଚ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ ଥିବା ବେଳେ କାଉଣ୍ଟଡାଉନ ମଧ୍ୟ ଆରମ୍ଭ ହୋଇଛି । ଏହା ଇସ୍ରୋର ଐତିହାସିକ ଲଞ୍ଚ ହେବାକୁ ଯାଉଛି, କାରଣ ଆନ୍ଧ୍ର ପ୍ରଦେଶ ଶ୍ରୀହରିକୋଟା ସ୍ଥିତ ସତୀଶ ଧୱନ ସ୍ପେଶ୍ ସେଣ୍ଟରରୁ ଏହା 100ତମ ଲଞ୍ଚ୍ ହେବ । ସତୀଶ ଧୱନ ସ୍ପେଶ୍ ସେଣ୍ଟରର ଦ୍ବିତୀୟ ଲଞ୍ଚ ପ୍ୟାଡ୍ (SLP)ରୁ GSLV-F15 ରକେଟ୍ ମାଧ୍ୟମରେ ଏହାକୁ ଲଞ୍ଚ କରାଯିବ ।
ଜିଏସଏଲଭି ବା ଜିଓସିଙ୍କ୍ରୋନସ୍ ସାଟେଲାଇଟ୍ ଲଞ୍ଚ୍ ଭେଇକିଲ ଏହାର 17ତମ ଉଡ଼ାଣରେ 2250 କିଲୋଗ୍ରାମର ସ୍ପେଶକ୍ରାଫ୍ଟକୁ ମହାକାଶକୁ ପଠାଇବ । ଏହି ପେଲୋଡ୍ର ନାଭିକ୍ ସିଷ୍ଟମର ଅଂଶ, ଯାହାକି ସ୍ବଦେଶୀ ନାଭିଗେସନ ସିଷ୍ଟମ ଚାହିଦାକୁ ପୂରଣ କରିବାକୁ ଲକ୍ଷ୍ୟ ରଖିଛି । GSLV-F15 ରକେଟ୍ ସାହାଯ୍ୟରେ NVS-02 ସାଟେଲାଇଟ୍କୁ ଜିଓସିଙ୍କ୍ରୋନସ୍ ଟ୍ରାନ୍ସଫର ଅର୍ବିଟରେ ସ୍ଥାପନ କରାଯିବ ।
🌟 T-1 Day to launch! Witness the incredible journey of GSLV-F15/NVS-02 live!
— ISRO (@isro) January 28, 2025
📺 YouTube Link: https://t.co/SXo6F2PAHU (from 05:50 hours)
🗓️ Date: 29th January 2025 | Time: 6:23 Hours (IST)
Join us as we push the boundaries of space applications! 🚀
More information at:… pic.twitter.com/jnSzJ27pFo
GSLV-F15 NVS-02 ଲଞ୍ଚ: କେବେ ଓ କେଉଁଠି ଦେଖିବେ ଲାଇଭ
29 ଜାନୁଆରୀ ସକାଳ 6:23ରେ ଆନ୍ଧ୍ର ପ୍ରଦେଶ ଶ୍ରୀହରିକୋଟା ସ୍ଥିତ ସତୀଶ ଧୱନ ସ୍ପେଶ୍ ସେଣ୍ଟରରୁ GSLV-F15 ରକେଟ୍ ସାହାଯ୍ୟରେ NVS-02 ସାଟେଲାଇଟ୍କୁ ଲଞ୍ଚ କରାଯିବ । ଏହାକୁ ଦେଶବାସୀ ଇସ୍ରୋର ଅଫିସିଆଲ YouTube ଚ୍ୟାନେଲରେ ଲାଇଭ୍ ଦେଖିପାରିବେ । ନିମ୍ନରେ ଏହାର ଭିଡିଓ ଲିଙ୍କ୍ ଆମେ ପ୍ରଦାନ କରିଛୁ:
GSLV-F15/NVS-02 ମିଶନ କଣ ?
GSLV-F15 ହେଉଛି ଏକ 50.9 ମିଟରର ଲମ୍ବା ରକେଟ୍ ଯାହାର 3ଟି ସ୍ତର ରହିଛି । ଏହାର ଉତକ୍ଷେପଣ ଦକ୍ଷତା 420.7 ଟନ୍ ରହିଛି । ଏହି ରକେଟ୍ଟି NVS-02 ସାଟେଲାଇଟ୍କୁ ଉତକ୍ଷେପଣ କରିବ । ଏବେ ନାଭିଗେସନ ଲାଗି ଆମେ ଆମେରିକୀୟ ନାଭିଗେସନ ସିଷ୍ଟମ GPSର ବ୍ୟବହାର କରୁଛି । ଇସ୍ରୋର ଏହି ମିଶନ ସଫଳ ହେଲେ ଏହା ବଦଳରେ ଆମେ ସ୍ବଦେଶୀ ନାଭିଗେସନ ସିଷ୍ଟମ 'ନାଭିକ୍'ର ବ୍ୟବହାର କରିବାରେ ସକ୍ଷମ ହେବା ।
ତେବେ NVS-02 ହେଉଛି ଭାରତର ନାଭିଗେସନ ସାଟେଲାଇଟ୍ର ନୂଆ ଜେନେରେସନର ଦ୍ବିତୀୟ ସାଟେଲାଇଟ୍ । NavICର ପ୍ରଥମ ସାଟେଲାଇଟ୍ ହେଉଛି NVS-01 । ଯାହାକୁ 2023 ମସିହା ମେ 29 ତାରିଖରେ GSLV-F12 ଦ୍ବାରା ଲଞ୍ଚ କରାଯାଇଥିଲା ।
