ଆକାଶ ଛୁଆଁ ପିଆଜ ଦର: ନିରୁତ୍ସାହିତ ପିଆଜ ଚାଷୀ

ଅନୁଗୋଳ: ଏବେ ସମସ୍ତଙ୍କୁ କନ୍ଦାଉଛି ପିଆଜ । ପିଆଜର ଦର ବୃଦ୍ଧି ସମସ୍ତଙ୍କୁ ଚିନ୍ତାରେ ପକାଇଛି । ସାରା ରାଜ୍ୟରେ ଏଭଳି ସ୍ଥିତି ଥିବା ବେଳେ ଅନୁଗୋଳ ଜିଲ୍ଲାର ଯେଉଁ ଅଞ୍ଚଳ ପିଆଜ ଚାଷ ପାଇଁ ପ୍ରସିଦ୍ଧ ଏବେ ସେଠାରେ ଚାଷୀ ହାତ ଟେକି ବସିଛି । ରାତି ପାହିଲେ ବଢୁଛି ଦର। କିଛି ମାସ ତଳେ ୨୦ ଟଙ୍କାରେ ବିକ୍ରି ହେଉଥିବା ପିଆଜ ଏବେ ୮୦ ଟଙ୍କାରେ ପହଞ୍ଚିଛି। କିଛି ମାସ ତଳେ କିଲେ ପିଆଜକୁ ମାତ୍ର ୫-୬ ଟଙ୍କାରେ ବିକ୍ରି କରିଥିବା ବେଳେ ଏବେ ସେହି ପିଆଜକୁ ୮୦ ଟଙ୍କାରେ କିଣୁଛନ୍ତି ଚାଷୀ । ଏଭଳି ସ୍ଥିତି ଦେଖିବାକୁ ମିଳିଛି ଅନୁଗୋଳ ଜିଲ୍ଲାରେ । ଏପଟେ ସଂରକ୍ଷଣ ବ୍ୟବସ୍ଥା ନଥିବାରୁ ପ୍ରଭାବିତ ହେଉଛନ୍ତି ପ୍ରାୟ 20 ପଞ୍ଚାୟତର ଚାଷୀ ।