ସମ୍ବଲପୁରିଆ ସରସତିଆ, ଖାଇଲେ ଜାଣିବେ କେତେ ବଢ଼ିଆ

ସମ୍ବଲପୁର: ପଶ୍ଚିମ ଓଡ଼ିଶାର ସାଂସ୍କୃତିକ ପ୍ରାଣକେନ୍ଦ୍ର ସମ୍ବଲପୁର ସହର। ସମ୍ବଲପୁରୀ ବସ୍ତ୍ର ସାଙ୍ଗକୁ ଏହାର ଭାଷା, ସଂସ୍କୃତି ଏହାକୁ ଦେଇଛି ଭିନ୍ନ ଏକ ପରିଚୟ । ତେବେ ଏସମସ୍ତ ଜିନିଷ ସହ ସମ୍ବଲପୁରକୁ ସ୍ବତନ୍ତ୍ର ପରିଚୟ ଦେଇଛି ଜାଲ ଭଳି ଦିଶୁଥିବା ତିନିକୋଣିଆ ମିଠା ସରସତିଆ। ସମ୍ବଲପୁର ବୁଲି ଗଲେ ଆପଣ ବେଶ ଭଲ ଭାବେ ଏହା ସହ ପରିଚିତ ହୋଇଯିବେ । ଥରେ ଏହାକୁ ଯିଏ ଖାଇଛି ସାରା ଜୀବନ ଏହାର ସ୍ବାଦ ସେ ଭୁଲି ପାରି ନାହିଁ । ଏହା ତିଆରି କରିବା ପାଇଁ କୌଣସି ଚର୍ବି ଜାତୀୟ ଜିନିଷର ବ୍ୟବହାର ହୁଏ ନାହିଁ । ଗଞ୍ଜେର ନାମକ ଏକ ଗଛର ଅଠାରୁ ପ୍ରସ୍ତୁତ ହୁଏ ଏହି ମିଠା ।