Miss Universe 2021: ଚକ୍‌ ଦେ ଫଟେ, ଇଣ୍ଡିଆ କହି ଖୁସି ଜାହିର କଲେ ହରନାଜ

ଜେରୁସେଲମ: ଦୀର୍ଘ ୨୧ ବର୍ଷ ପରେ ଭାରତକୁ ମିସ୍‌ ୟୁନିଭର୍ସ କ୍ରାଉନ ଆଣିଛନ୍ତି ପଞ୍ଜାବ ଚଣ୍ଡିଗଡ଼ର ଝିଅ ହରନାଜ କୌର ସନ୍ଧୁ । ସେ ମାତ୍ର ୨୧ ବର୍ଷ ବୟସରେ ଦେଶ ପାଇଁ ଏହି ଗୌରବ ଆଣିଥିବାବେଳେ ଆଜି ସାରା ଦେଶ ତାଙ୍କୁ ଗର୍ବ ଅନୁଭବ କରିଛି । ସେପଟେ ବିଭିନ୍ନ କ୍ଷେତ୍ରରୁ ହରନାଜଙ୍କୁ ଛୁଟିଛି ଶୁଭେଚ୍ଛାର ସୁଅ । ସେପଟେ ଇସ୍ରାଏଲର ମିସ ୟୁନିଭର୍ସ ପ୍ରତିଯୋଗିତା ସ୍ଥଳରୁ ଭାଇରାଲ ହେଉଛି ହରନାଜଙ୍କ ଏକ ଭିଡ଼ିଓ । ଯେଉଁଥିରେ ସେ ମୁକୁଟ ଜିତିବା ପରେ ଦେଶବାସୀଙ୍କ ପାଇଁ ଏକ ଉକ୍ତି କହିଛନ୍ତି । ସେ 'ଚକ୍‌ ଦେ ଫଟେ, ଇଣ୍ଡିଆ' ବୋଲି କହିଛନ୍ତି । ଏହି ଭିଡ଼ିଓରେ ସେ ଖୁବ ଖୁସିଥିବା ନଜର ଆସିଛନ୍ତି । ତାଙ୍କର ଏହି ଭିଡ଼ିଓଟି ଦେଶବାସୀ ଖୁବ ପସନ୍ଦ କରିବା ସହିତ ସୋସିଆଲ ମିଡି଼ଆରେ ଏହା ଖୁବ ଭାଇରାଲ ହେବାରେ ଲାଗିଛି ।