ଉରି ସୀମାରେ ବିକ୍କୀ, ଆଞ୍ଚଳିକ କଳାକାରଙ୍କ ସହ ନାଚିଲେ, ଝୁମିଲେ

କାଶ୍ମୀର: ନିକଟରେ ବଲିଉଡ ଅଭିନେତା ବିକ୍କୀ କୌଶଲ କାଶ୍ମୀରର ଉରି ବେସ କ୍ୟାମ୍ପରେ ପହଞ୍ଚିଥିଲେ । ତାଙ୍କୁ ଭାରତୀୟ ସେନା ପକ୍ଷରୁ ନିମନ୍ତ୍ରଣ ପଠାଯାଇଥିଲା । ବିକ୍କୀ ସୋସିଆଲ ମିଡିଆ ଆକାଉଣ୍ଟରେ ତାଙ୍କ ଉରି କ୍ୟାମ୍ପ ଭ୍ରମଣର ଫଟୋ ସେୟାର କରିଛନ୍ତି । ଏହା ସହିତ ସେ ଭାରତୀୟ ସେନାକୁ ଧନ୍ୟବାଦ ଦେଇଛନ୍ତି । ଉତ୍ତର କାଶ୍ମୀରର ବାରମୁଲ୍ଲା ଜିଲ୍ଲାର ଉରି ସୀମା ଅଞ୍ଚଳରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା। ବିକ୍କୀଙ୍କ ସହ ଅଭିନେତ୍ରୀ ସୋନଲ ଚୌହାନ ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । ଅନେକ ଆଞ୍ଚଳିକ କଳାକାର ସାଂସ୍କୃତିକ ପ୍ରଦର୍ଶନ କରିଥିଲେ । ଯାହାକୁ ଉପଭୋଗ କରିଛନ୍ତି ବିକ୍କୀ । ପ୍ରଦର୍ଶନ ସମୟରେ ବିକ୍କୀ ମଧ୍ୟ ସେମାନଙ୍କ ସହ ତାଳ ମିଶାଇଥିଲେ । ଆଉ ପଚାରିଥିଲେ ‘How's the Josh’ । ଭାରତୀୟ ସେନାର ଉଦ୍ୟମକୁ ଜୱାନ ଆୱାମ୍ ମଧ୍ୟରେ ପ୍ରଶଂସା କରିଥିଲେ କରିଥିଲେ ବିକ୍କୀ ଓ ସୋନମ ।