18ରେ ଦ୍ବିତୀୟ ପର୍ଯ୍ୟାୟ ମତଦାନ: ଶେଷ ଦିନରେ ପ୍ରାର୍ଥୀଙ୍କ ହାଇଭୋଲଟେଜ ପ୍ରଚାର

ପୁରୀ : ଆସନ୍ତା 18ରେ ପଞ୍ଚାୟତ ନିର୍ବାଚନର ଦ୍ବିତୀୟ ପର୍ଯ୍ୟାୟ ମତଦାନ । ପୁରୀ ଜିଲ୍ଲାର ଗୋପ ଓ ନିମାପଡା ବ୍ଳକରେ ଦ୍ବିତୀୟ ପର୍ଯ୍ୟାୟରେ ନିର୍ବାଚନ ହେବାକୁ ଥିବା ବେଳେ ଆଜି (ବୁଧବାର) ପ୍ରଚାର ଶେଷ ହୋଇଛି। ଏନେଇ ସବୁ ଦଳର ପ୍ରାର୍ଥୀ ନିର୍ବାଚନ ପ୍ରଚାରକୁ ବୁଧବାର ଜୋରଦାର କରିଥିଲେ । ଘରକୁ ଘର ବୁଲି ପ୍ରଚାର କରି ନିଜ ପାଇଁ ଭୋଟ ଭିକ୍ଷା କରିଥିଲେ । ବିଜେଡି ଓ ବିରୋଧୀ ବିଜେପି ମଧ୍ୟରେ ଏଠାରେ ସିଧାସଳଖ ଲଢେ଼ଇ ହେଉଛି। ବିଜେପି ଶାସକ ଦଳର ଦୁର୍ନୀତି , ଅରାଜକତା , ଗରିବ ଲୋକଙ୍କୁ ଅବହେଳାକୁ ପ୍ରସଙ୍ଗ କରି ନିର୍ବାଚନ ଲଢ଼ୁଛି। ବିଜେଡି କେନ୍ଦ୍ର ସରକାରଙ୍କ ମିଛ ପ୍ରତିଶୃତିକୁ ମୁଦ୍ଧା କରି ନିର୍ବାଚନ ଲଢ଼ୁଛି। ଚଳିତ ପଞ୍ଚାୟତ ନିର୍ବାଚନରେ ଗୋପ ବ୍ଳକର 4 ଟି ଜିଲ୍ଲା ପରିଷଦ ଜୋନ , 31ଟି ପଞ୍ଚାୟତ ଓ ନିମାପଡା ବ୍ଳକର 4 ଟି ଜିଲ୍ଲା ପରିଷଦ ଜୋନ ସହ 32ଟି ପଞ୍ଚାୟତରେ ନିର୍ବାଚନ ହେବ । ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ