Vote Counting: ଖୋଲିଛି ଭୋଟ ବାକ୍ସ, ଗଞ୍ଜାମ-ଗଜପତି-କନ୍ଧମାଳରେ ଗଣତି ଜାରି

ଗଜପତି/ଗଞ୍ଜାମ: ଖୋଲିଛି ଭୋଟ ବାକ୍ସ । ଗଜପତି ଜିଲ୍ଲାରେ ଆରମ୍ଭ ହୋଇଛି ପଞ୍ଚାୟତ ନିର୍ବାଚନ ଭୋଟ ଗଣତି । ଜିଲ୍ଲାର ୭ଟି ବ୍ଲକର ୭ଟି ଜୋନର କାଉଣ୍ଟିଂ ଶାନ୍ତିଶୃଙ୍ଖଳାର ସହ ଜାରି ରହିଛି । ମୋହନା ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ମୋହନା ବ୍ଲକର ୮ ନଂ ଜୋନ୍, ଆର.ଉଦୟଗିରି ବ୍ଲକର ୧୧ ନଂ ଜୋନ, ନୂଆଗଡ ବ୍ଲକର ୫ ନଂ ଏବଂ ରାୟଗଡ ବ୍ଲକର ୧୩ ନଂ ଜୋନ ଏବଂ ପାରଳାଖେମୁଣ୍ଡି ନିର୍ବାଚନ ମଣ୍ଡଳୀ ଅଧିନରେ ଥିବା କାଶୀନଗର ବ୍ଲକର ୧ ନଂ ଜୋନ, ଗୁମ୍ମା ବ୍ଲକର ୩ ନଂ ଜୋନ ଏବଂ ଗୋଷାଣ ବ୍ଲକର ୬ ନଂ ଜିଲ୍ଲା ପରିଷଦ ଜୋନର ଭୋଟ ଗଣତି ଚାଲିଛି । ଜିଲ୍ଲାର ମୋଟ ୧୪ଟି ଜୋନ୍ ପାଇଁ ୫୦ ଜଣ ପ୍ରାର୍ଥୀ ରହିଛନ୍ତି । ପ୍ରଥମ ରାଉଣ୍ଡ ସୁଦ୍ଧା କାଶୀନଗର ଜୋନରେ ବିଜେପି ଆଗୁଆ ରହିଛି । ଗଞ୍ଜାମ ଜିଲ୍ଲାର ୨୨ଟି ଜିଲ୍ଲା ପରିଷଦ ଜୋନରେ ମଧ୍ୟ ଭୋଟ ଗଣତି ଜାରି ରହିଛି । ଜିଲ୍ଲାର ୨୨ଟି ବ୍ଳକ ମୁଖ୍ୟାଳୟରେ ଗଣନା ଚାଲିଥିବା ବେଳେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ବ୍ରହ୍ମପୁରରୁ ସମୀର ଆଚାର୍ଯ୍ୟ ଓ ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ