Panchayat Election: ବୁଥ୍ ଭିତରେ ଚିହ୍ନ ବାଣ୍ଟିବା ନେଇ ହୋହଲ୍ଲା

ବାଲେଶ୍ବର: ଶେଷ ପର୍ଯ୍ୟାୟ ମତଦାନ ସମୟରେ ବାଲେଶ୍ବରରେ ଉତ୍ତେଜନା । ମତଦାନ ଚାଲିଥିବା ବେଳେ ବୁଥ୍ ଭିତରେ ଜଣେ ପ୍ରାର୍ଥୀ ନିଜର ଚିହ୍ନ ଥିବା ପୁସିଂ କାର୍ଡ ବାଣ୍ଟିବାକୁ ନେଇ ଗଣ୍ଡଗୋଳ ସୃଷ୍ଟି ହୋଇଛି । ଏମିତି ଘଟଣା ଦେଖିବାକୁ ମିଳିଛି ବାଲେଶ୍ଵର ସଦର ବ୍ଲକ ସାର୍ଥା ବୁଥରେ । ଆଜି ବାଲେଶ୍ୱର ଜିଲ୍ଲାର ସଦର ଓ ରେମୁଣା ବ୍ଲକରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଅନ୍ତିମ ପର୍ଯ୍ୟାୟ ମତଦାନ ଚାଲିଛି । ସଦର ବ୍ଲକର ସାର୍ଥା ବୁଥରେ ପ୍ରାର୍ଥୀ ପୁସିଂ କାର୍ଡ ବାଣ୍ଟିବାକୁ ନେଇ ଏଠାରେ ସ୍ଥିତି ଅଶାନ୍ତ ହୋଇପଡିଛି । ଏପରି ଭାବେ ସମ୍ପୃକ୍ତ ପ୍ରାର୍ଥୀ ଭୋଟରଙ୍କୁ ପ୍ରଭାବିତ କରୁଥିବା ଅଭିଯୋଗରେ ଲୋକେ ହୋହାଲ୍ଲା କରିଛନ୍ତି । ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ