କଟକ: ସୁପର ସଣ୍ଡେରେ ରୋହିତ ଶର୍ମାଙ୍କ ସୁପର ସୋ । ରୋହିତଙ୍କ ବିସ୍ଫୋରକ ବ୍ୟାଟିଂ ସହ ବାରବାଟୀରେ ଭାରତର ଦମଦାର ବିଜୟ । କଟକର ବାରବାଟୀ ଷ୍ଟାଡିମୟରେ ଭାରତ-ଇଂଲଣ୍ଡ ଦ୍ୱିତୀୟ ଦିନିକିଆରେ ସୁପର ଫାଇଟ ଦେଖିବାକୁ ମିଳିଛି । ପ୍ରଥମେ ବ୍ୟାଟିଂ କରି ଇଂଲଣ୍ଡ ଭାରତ ସାମ୍ନାରେ ୩୦୫ ରନର ଟାର୍ଗେଟ ରଖିଥିଲା ବେଳେ ଏହାକୁ ପିଛା କରି ୬ ଓ୍ବିକେଟ ହରାଇ ବିଜୟ ଲକ୍ଷ୍ୟ ପାର କରିଥିଲା ଟିମ ଇଣ୍ଡିଆ । ତେବେ ବାରବାଟୀରେ କ୍ୟାପଟେନ ହିଟ ମ୍ୟାନଙ୍କ ଛକା ଚଉକା ବର୍ଷା ଦେଖିବାକୁ ମିଳିଥିଲା ।
ଆରମ୍ଭରୁ ବିସ୍ଫୋରକ ବ୍ୟାଟିଂ:
ଆରମ୍ଭରୁ ହିଁ ଓପନର ଭାବେ ପଡିଆକୁ ଓହ୍ଲାଇଥିବା ରୋହିତ ଶର୍ମା ଓ ଶୁଭମନ ଗିଲଙ୍କ ବିସ୍ପୋରକ ବ୍ୟାଟିଂ ଦେଖିବାକୁ ମିଳିଥିଲା । ଉଭୟ ଖେଳାଳି ବାରବାଟୀରେ ଛକା ଓ ଚଉକା ବର୍ଷା କରିଥିଲେ । ୧୩ ଓଭର ୪ ବଲରେ ପାର୍ଟନରସିପରେ ୧୦୦ ରନ କରିଥିଲେ ଓପନର ଭାବେ ପଡିଆକୁ ଓହ୍ଲାଇଥିବା ରୋହିତ ଶର୍ମା ଓ ଶୁଭମନ ଗିଲ୍ । ଶୁଭମନ ଗିଲ ଅର୍ଦ୍ଧଶତକ କରି ଆଉଟ ହୋଇଯାଇଥିବା ବେଳେ ରୋହିତ ଶତକ ହାସଲ କରିଥିଲେ ।
🚨 Most ODI Hundreds in Men's Cricket 🚨
— BCCI (@BCCI) February 9, 2025
A legendary list with three #TeamIndia batters in the 🔝 three!
Follow The Match ▶️ https://t.co/NReW1eEQtF#INDvENG | @IDFCFIRSTBank | @ImRo45 pic.twitter.com/069XQO7y2J
ରୋହିତଙ୍କ ଶତକ ଓ ଗିଲଙ୍କ ଅର୍ଦ୍ଧଶତକ:
ଭାରତୀୟ ଟିମର ଓପନର ଭାବେ ପଡିଆକୁ ଓହ୍ଲାଇଥିବା ରୋହିତ ଶର୍ମାଙ୍କ ଶତକ ଓ ଶୁଭମନ ଗିଲଙ୍କ ଅର୍ଦ୍ଧଶତକ ଇଣ୍ଡିଆକୁ ବିଜୟ ରାସ୍ତାକୁ ବାଟ କଢାଇ ନେଇଥିଲା । ଆରମ୍ଭରୁ ହିଁ ଆକ୍ରାମକ ଢଙ୍ଗରେ ଖେଳିଥିଲେ ଉଭୟ ଖେଳାଳି । ୫୨ ବଲରେ ୬ ଚଉକା ଓ ଗୋଟିଏ ଛକା ସହ ୬୦ ରନ କରି ଜାମି ଓଭରଟନଙ୍କ ବଲରେ ଆଉଟ ହୋଇଯାଇଥିଲେ ଶୁଭମନ ଗିଲ୍ । ଶୁଭମନ ଗିଲ ଓ ରୋହିତ ପାର୍ଟନର ଭାବେ ୧୦୦ ବଲରେ ୧୩୩ ରନ ଖାତାରେ ଯୋଡିଥିଲେ ।
ODI CENTURY number 3⃣2⃣ in 📸📸
— BCCI (@BCCI) February 9, 2025
Describe Captain Rohit Sharma's Cuttack 💯 in one word ✍️
Follow The Match ▶️ https://t.co/NReW1eEQtF#TeamIndia | #INDvENG | @IDFCFIRSTBank | @ImRo45 pic.twitter.com/5mu59OBCTu
କ୍ୟାପଟେନ ରୋହିତଙ୍କ ହିଟ୍ ମୁଡ :
ବାରବାଟୀରେ ଆଜି କ୍ୟାପଟେନ ରୋହିତଙ୍କ ରୋ-ହିଟ୍ ମୁଡ ଦେଖିବାକୁ ମିଳିଥିଲା । ବାରବାଟୀରେ ଛକା ଓ ଚଉକା ବର୍ଷା କରିଥିଲେ ରୋହିତ । ୯୦ ବଲରେ ସେ ୧୨ଟି ଚଉକା ଓ ୭ଟି ଛକା ସହ ୧୧୯ ରନ ସଂଗ୍ରହ କରିଛନ୍ତିି । ଲିଭିଙ୍ଗଷ୍ଟୋନଙ୍କ ବଲରେ ଆଦିଲ ରସିଦଙ୍କ ହାତରେ କ୍ୟାଚ ଆଉଟ ହୋଇଯାଇଥିଲେ ରୋହିତ । ତେବେ ରୋହିତଙ୍କ ବିସ୍ଫୋରକ ବ୍ୟାଟିଂକୁ ନେଇ ଦର୍ଶକମାନ ଭରପୁର ଉପଭୋଗ କରିଥିଲେ ।
What a way to get to the HUNDRED! 🤩
— BCCI (@BCCI) February 9, 2025
A treat for the fans in Cuttack to witness Captain Rohit Sharma at his best 👌👌
Follow The Match ▶️ https://t.co/NReW1eEQtF#TeamIndia | #INDvENG | @IDFCFIRSTBank | @ImRo45 pic.twitter.com/oQIlX7fY1T
ତେନ୍ଦୁଲକରଙ୍କ ରେକର୍ଡ ଭାଙ୍ଗିଲେ ରୋହିତ:
ବିସ୍ଫୋରକ ବ୍ୟାଟିଂ ବଳରେ ଆଜି ବାରବାଟୀରେ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି କ୍ୟାପଟେନ ରୋହିତ ଶର୍ମା । ଭାରତୀୟ ଦଳର ଓପନର ଭାବେ ଅନ୍ତର୍ଜାତୀୟ କ୍ରିକେଟର ସମସ୍ତ ଫର୍ମାଟରେ ଦ୍ବିତୀୟ ସର୍ବାଧିକ ରନ୍ କରି ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି । ଅନ୍ତର୍ଜାତୀୟ କ୍ରିକେଟର ସମସ୍ତ ଫର୍ମାଟରେ ଭାରତୀୟ ଓପନର ଭାବେ ବିରେନ୍ଦ୍ର ସେହଓ୍ବାଗ ସର୍ବାଧିକ ରନ କରି ତାଲିକାର ପ୍ରଥମ ସ୍ଥାନରେ ରହିଛନ୍ତି । ସେ ୩୨୧ଟି ମ୍ୟାଚରେ ୪୧.୯୦ ହାରରେ ୧୫ ହଜାର ୭୫୮ ରନ କରିଛନ୍ତି । ସେହିପରି ତେନ୍ଦୁଲକର ୩୪୬ଟି ମ୍ୟାଚରେ ୪୮.୦୬ ହାରରେ ୧୫ହଜାର ୩୩୫ ରନ କରି ଦ୍ବିତୀୟ ସ୍ଥାନରେ ରହିଥିଲେ । ତେବେ ରୋହିତ ଶର୍ମାଙ୍କୁ ତେନ୍ଦୁଲକରଙ୍କ ରେକର୍ଡ ଭାଙ୍ଗିବାକୁ ଆଉ ମାତ୍ର ୫୦ ରନର ଆବଶ୍ୟକତା ଥିବା ବେଳେ ଏହି ରନ ଆଜି ପୂରଣ ହୋଇଯାଇଛି । ଆଜିର ମ୍ୟାଚରେ ସେ ତେନ୍ଦୁଲକରଙ୍କୁ ପଛରେ ପକାଇ ଦ୍ବିତୀୟ ସ୍ଥାନକୁ ଉଠିଛନ୍ତି ରୋହିତ ଶର୍ମା ।
ଏହାମଧ୍ୟ ପଢନ୍ତୁ...ଖେଳ ମଝିରେ ଅନ୍ଧକାର ହୋଇଗଲା ଷ୍ଟାଡିୟମ, ଅଧ ଘଣ୍ଟା ଧରି ଖେଳ ବନ୍ଦ |
ନିରାଶ କଲେ କୋହଲି
ସିରିଜର ପ୍ରଥମ ମ୍ୟାଚରେ ଆହତ କାରଣରୁ ଖେଳିନଥିଲେ ବିରାଟ କୋହଲି । ତେବେ ଏହି ମ୍ୟାଚରେ ତାଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିଥିଲା । ମାତ୍ର ୮ ବଲ ଖେଳି ୫ ରନ କରି ଫାଭିଲିୟନକୁ ବିଦା ହୋଇଥିଲେ ବିରାଟ କୋହଲି । ଅଦିଲ ରସିଦଙ୍କ ବଲରେ ଓ୍ବିକେଟ କିପର ଫିଲ ସଲ୍ଟଙ୍କ ହାତକୁ କ୍ୟାଚ ଦେଇ ଆଉଟ ହୋଇଯାଇଥିଲେ କୋହଲି । ଏଥିସହ ଇଣ୍ଡିଆର ଦ୍ୱିତୀୟ ଓ୍ବିକେଟର ପତନ ଘଟିଥିଲା । ଯାହାକୁ ନେଇ ଫ୍ୟାନ୍ସଙ୍କ ମଧ୍ୟରେ ନିରାଶ ଖେଳିଯାଇଥିଲା ।
𝗛𝗨𝗡𝗗𝗥𝗘𝗗!
— BCCI (@BCCI) February 9, 2025
A marvellous century from Captain Rohit Sharma in Cuttack 🫡
He gets to his 32nd ODI TON 🔥🔥
Follow The Match ▶️ https://t.co/NReW1eEQtF#TeamIndia | #INDvENG | @IDFCFIRSTBank | @ImRo45 pic.twitter.com/WcB3O4zJS5
ଅନ୍ୟପଟେ ଶ୍ରେୟସ ଆୟାର ୪୭ବଲ ଖେଳି ୪୪ ରନ କରି ରନ ଆଉଟ ହୋଇଯାଇଥିଲେ । କେ ଏଲ ରାହୁଲ ୧୪ବଲରେ ୧୦ ରନ, ହାର୍ଦ୍ଦିକ ପାଣ୍ଡ୍ୟା ୬ ବଲରେ ୧୦ ରନ, ଅକ୍ସର ପଟେଲ ୪୩ ବଲରେ ୪୧ ରନ କରି ଅପରାଜିତ ଓ ରବିନ୍ଦ୍ର ଜାଡେଜା ୨ ବଲରେ ୧୧ ରନ କରି ଅପରାଜିତ ରହିଛନ୍ତି ।
ଇଣ୍ଡିଆ ଆଗରେ ୩୦୫ ରନର ଟାର୍ଗେଟ:
ପ୍ରଥମରୁ ଇଂଲଣ୍ଡ ଖେଳାଳିଙ୍କ ଆକ୍ରାମକ ଖେଳ ଦେଖିବାକୁ ମିଳିଥିଲା । ଶେଷ ଓଭରରେ ୩୦୪ ରନ ସହ ଅଲ ଆଉଟ ହୋଇଯାଇଥିଲା ଇଂଲଣ୍ଡ । ଏଥିସହ ଭାରତ ଆଗରେ ୩୦୫ ରନର ବିଜୟ ଲକ୍ଷ୍ୟ ରଖିଥିଲା ଇଂଲଣ୍ଡ ।
ବ୍ୟୁରୋ ରିପୋର୍ଟ, ଇଟିଭି ଭାରତ
