ବାରଙ୍ଗରେ ଶାଶୁକୁ ମାରି ବୋହୁ ଗିରଫ

କଟକ: ଶାଶୁ ବୋହୁ କଳିର କରୁଣ ପରିଣତି । ସାଧାରଣ କଥାକୁ ନେଇ ଶାଶୁକୁ ହତ୍ୟା କଲା ବୋହୁ  । ବାରଙ୍ଗ ମଧୁପୁର ଅଞ୍ଚଳର ସୁଚିତ୍ରାଵାଳା ସାହୁ ଙ୍କ ହତ୍ୟାକାଣ୍ଡରେ ବୋହୁ ସରସ୍ବତୀ ସାହୁ ଗିରଫ କରିଛି ବାରଙ୍ଗ ପୋଲିସ  । ଗତ 5 ତାରିଖ ରାତିରେ ଘଟି ଥିଲା ଏହି ଲୋମହର୍ଷଣକାରୀ ଘଟଣା । ଶାଶୁ ବୋହୁ ସାଙ୍ଗ ହୋଇ ଗୋଟିଏ ରୁମ ରେ ଶୋଇଥିବା ବେଳେ  ବୋହୁ ଗର୍ଭବତୀ ଥିବାରୁ ଶାଶୁ ରୁମକୁ ଅନ୍ଧାର ନ କରିବା ପାଇଁ ବାରଣ କରିଥିଲେ । ତେବେ ଏହାପରେ ଉଭୟ ଙ୍କ ମଧ୍ୟରେ ବଚସା ଆରମ୍ଭ ହେଇଥିଲା । ତେବେ ଏହି ବଚସା ଏତେ ଉଗ୍ର ରୂପ।ନେଇଥିଲା ଯେ ଉଭୟ ହାତାହାତି ପର୍ଯ୍ୟନ୍ତ କଥା ମଧ୍ୟ ଯାଇଥିଲା । ତେବେ ପରିଶେଷରେ ଏକ ଲୁହା ଛଡ଼ ରେ ସରସ୍ବତୀ ଶାଶୁ ଶୋଇଥିଲା ବେଳେ ମୁଣ୍ଡକୁ ଶକ୍ତ ଆଘାତ ଦେଇଥିଲେ ।

ଏହା ମଧ୍ୟ ପଢନ୍ତୁ ... ପାରିବାରିକ କଲହରୁ ପତ୍ନୀକୁ ଅତି ନିର୍ମମ ଭାବେ ହତ୍ୟା କଲା ସ୍ୱାମୀ

 ଯାହାଫଳରେ ଘଟଣାସ୍ଥଳରେ ଶାଶୁ ସୁଚିତ୍ରାଵାଳାଙ୍କ ମୃତ୍ୟୁ ଘଟିଥିଲା । ତେବେ ଏହି ଘଟଣା କୁ ନେଇ ପୋଲିସ ତଦନ୍ତ ଆରମ୍ଭ କରିବା ବୋହୁକୁ ପଚରାଉଚରା କରିବା ପରେ ସବୁ କିଛି ସ୍ବୀକାର କରିଥିଲା ବୋହୁ । ତେବେ ରାଗରେ ବ୍ରହ୍ମ ଚଣ୍ଡାଳ ପରି ବୋହୁ ନେଇଯାଇଥିଲା ଶାଶୁର ପ୍ରାଣ । ତେବେ ବର୍ତ୍ତମାନ ବୋହୁକୁ ଗିରଫ କରିବା ସହ ଏହି ଦିଗରେ ସମାଜରେ ଏପରି ଘଟଣା ଯେପରି ପୁର୍ନବାର ନ ହୁଏ ସେଦିଗରେ ଲୋକମାନେ ସଚେତନ ରହିବା ଆବଶ୍ୟକ ବୋଲି କହିଛନ୍ତି ଅତରିକ୍ତ ଡିସିପି ଅନୀଲ ମିଶ୍ର  । 

ଇଟିଭି ଭାରତ, କଟକ