ପାକିସ୍ତାନର ବିଶ୍ବକପ ସ୍ବପ୍ନ ଧୂଳିସାତ୍, ଭାରତରେ ODI ବିଶ୍ବକପ ଜିତିବୁ କହିଲେ ଅଖତର

ହାଇଦ୍ରାବାଦ: ବିଶ୍ବକପ ହାତେଇବାରେ ବିଫଳ ହୋଇଛନ୍ତି ବାବର ଏଣ୍ଡ୍‌ କୋ । ତଥାପି ପାକିସ୍ତାନର ବଳ ଭାଙ୍ଗିନି । ରାଓଲ ପିଣ୍ଡି ଏକ୍ସପ୍ରେସ୍ ତଥା ପାକିସ୍ତାନର ପୂର୍ବତନ ଫାଷ୍ଟ ବୋଲର ସୋଏବ ଅଖତର କହିଛନ୍ତି ଯେ "ଆମେ ଭାରତରେ ବିଶ୍ବକପ ଜିତିବୁ " । ୨୦୨୨ ଟି୨୦ ବିଶ୍ବକପ ଫାଇନାଲରେ ଇଂଲଣ୍ଡଠାରୁ ପରାସ୍ତ ହେବାପରେ ପାକିସ୍ତାନର ବିଶ୍ବକପ ଜିତିବା ସ୍ବପ୍ନ ଚୁରମାର ହୋଇଛି । ଏନେଇ ଅଖତର କହିଛନ୍ତି " ବାବର ଆଜମ ଦଳ ଭଳ ପ୍ରଦର୍ଶନ କରି ଫାଇନାଲରେ ପ୍ରବେଶ କରିଛି । ହେଲେ ଦୁର୍ଭାଗ୍ୟବଶତଃ ଆମେ ଟ୍ରଫି ହାତେବାରେ ଅସଫଳ ହେଲୁ । ଆମେ ନିରାଶ ଅଛୁ ତଥାପି ଆମେ ଦଳ ସହିତ ଏହି ଦୁଃଖ ସମୟରେ ଠିଆ ହେବୁ । ମ୍ୟାଚରେ ପରାଜୟ ପରେ ନିରାଶ ହେବା ଦରକାର ନାହିଁ ଆମେ ଭାରତରେ ଦନିକିଆ ବିଶ୍ବକପ ଜିତିବୁ ।" 2023 ଦିନିକିଆ ବିଶ୍ବକପ ଭାରତରେ ଖେଳାଯିବ ।