ବଲିଯାତ୍ରାରେ କଣ୍ଠଶିଳ୍ପୀ ଅସୀମା ପଣ୍ଡାଙ୍କ ଷ୍ଟେଜ ପ୍ରୋଗ୍ରାମକୁ ଅଧାରୁ ବନ୍ଦ କଲା ପୋଲିସ

କଟକ: ହଟହଟା ହେଲେ ଗାୟିକା ଅସୀମା ପାଣ୍ଡା । ଗୀତ ପରିବେଷଣ ଆରମ୍ଭରୁ ବନ୍ଦ ହେଲା ସାଂସ୍କୃତିକ କାର୍ଯ୍ୟକ୍ରମ । ଅସନ୍ତୋଷ ପ୍ରକାଶ କଲେ ଦର୍ଶକ । ଏପରି ଅପ୍ରୀତିକର ପରିସ୍ଥିତି ଦେଖିବାକୁ ମିଳିଛି କଟକ ବାଲିଯାତ୍ରାରେ । ହାଇକୋର୍ଟଙ୍କ ଗାଇଡଲାଇନ ଅନୁସାରେ, କୌଣସି ସାଂସ୍କୃତିକ କାର୍ଯ୍ୟକ୍ରମ ରାତି 10ଟା ମଧ୍ୟରେ ଶେଷ ହେବା କଥା । ମାତ୍ର ବୈଷ୍ଣବ ପାଣି ମଞ୍ଚରେ ଅସୀମାଙ୍କ ମୋଲୋଡି କାର୍ଯ୍ୟକ୍ରମ ବିଳମ୍ବରେ ଆରମ୍ଭ ହୋଇ ଏହି ସମୟ ଅତିକ୍ରମ କରିଥିବାରୁ ପୋଲିସ ପହଞ୍ଚି କାର୍ଯ୍ୟକ୍ରମ ବନ୍ଦ କରିଥିବା ଜଣାପଡିଛି ।

ଅତିରିକ୍ତ ଜିଲ୍ଲାପାଳ ଶିବ ଟପୋ କହିଛନ୍ତି, ଅସୀମାଙ୍କ ପ୍ରୋଗ୍ରାମ ପାଇଁ ଏକ ଘଣ୍ଟା ନିର୍ଦ୍ଧାରିତ ହୋଇଥିଲା । ମାତ୍ର ବିଳମ୍ବରେ ଏହି କାର୍ଯ୍ୟକ୍ରମ ଆରମ୍ଭ ହେବାରୁ ଗାଇଡଲାଇନ ଅନୁସାରେ, ଏହାକୁ ପୋଲିସ ବନ୍ଦ କରିଛି ।’’ କୋଟି କୋଟି ଟଙ୍କା ଖର୍ଚ୍ଚରେ ଏହି ଆୟୋଜନ କରାଯାଉଛି । ତେବେ କୋର୍ଟଙ୍କ ଗାଇଡଲାଇନ ଥିବା ସତ୍ତ୍ବେ କାହିଁକି ଏପରି ଅବ୍ୟବସ୍ଥା ଦେଖିବାକୁ ମିଳିଲା, ତାକୁ ନେଇ ଦର୍ଶକ ମହଲରେ ପ୍ରଶ୍ନ ସୃଷ୍ଟି ହୋଇଛି ।

ଇଟିଭି ଭାରତ, କଟକ