Viral Video: ଗୋଟିଏ କି ୨ଟି ନୁହେଁ, ଗାଡ଼ି ଆଗକୁ ଆସିଲେ ୪ ବାଘ

ହାଇଦ୍ରାବାଦ: ଗୋଟିଏ କି ଦୁଇଟି ନୁହେଁ । ଗାଡ଼ି ଆଗକୁ ଏକା ସାଙ୍ଗରେ ଆସିଲେ ୪ଟି ବାଘ । ତେଲେଙ୍ଗାନା ଆଦିଲାବାଦ ଜିଲ୍ଲାର ପିପଲକୋଟି ନିକଟରେ ଡ୍ରାଇଭରଙ୍କ କ୍ୟାମେରାରେ କଏଦ ହୋଇଛି ଏପରି ଦୃଶ୍ୟ । ଶନିବାର ରାତିରେ କାମ ସାରି ଘରକୁ ଫେରୁଥିବା ବେଳେ ୪ଟି ବାଘ ଗାଡ଼ି ସାମନାକୁ ଆସିଥିଲେ । ଏହି ବାଘ ଗୁଡିକ ଗୋଟିଏ ପରେ ଗୋଟିଏ ରାସ୍ତା ପାରି ହେଉଥିବା ଭିଡ଼ିଓରେ ଦେଖିବାକୁ ମିଳିଛି । ଗୋଟିଏ ମା' ବାଘ ସହିତ ଆଉ ୪ଟି ଛୁଆଙ୍କୁ ଦେଖିବାକୁ ମିଳିଛି । ଏହି ବାଘ ମହାରାଷ୍ଟ୍ର ସୀମାରେ ଥିବା ଟିପେଶ୍ବର ଅଭୟାରଣ୍ୟରୁ ଏଠାକୁ ଆସିଥିବା ସନ୍ଦେହ କରାଯାଉଛି ।