ମଣ୍ଡପରେ ଷଣ୍ଢ ଲଢେଇ, ୩୦ ମିନିଟ ଅଟକିଲା ବାହାଘର

ଗାନ୍ଧୀନଗର: ରାସ୍ତା ଉପରେ ଗାଈ ଶୋଇବା କି ଷଣ୍ଢ ଲଢେଇ ନୂଆ କଥା ନୁହେଁ । ହେଲେ ଯଦି ଦୁଇଟି ଷଣ୍ଢ ମ୍ୟାରେଜ ହଲରେ ହିଁ ଲଢେଇ ଆରମ୍ଭ କରି ଦେବେ ତ କ’ଣ ହେବ । ତେବେ ସୋସିଆଲ ମିଡିଆରେ ଏପରି ଏକ ମଣ୍ଡପର ଭିଡିଓ ଭାଇରାଲ ହେବାରେ ଲାଗିଛି ଯେଉଁଠି ଦୁଇଟି ଷଣ୍ଢଙ୍କ ମଧ୍ୟରେ ଘମାସାନ ଲଢେଇ ଚାଲିଥିବା ବେଳେ ଷଣ୍ଢମାନଙ୍କ ଠାରୁ ସତର୍କ ରହିବାକୁ ଆନାଉସମେଣ୍ଟ କରାଯାଉଛି । ତେବେ ଏପରି ଘଟଣା ଦେଖିବାକୁ ମିଳିଛି ଗୁଜରାଟର ଛଲଲା ଗାଁରେ । ମଣ୍ଡପଟି ବରଯାତ୍ରୀ ଏବଂ କନ୍ୟା ପକ୍ଷ ଲୋକଙ୍କ ଦ୍ବାରା ଭରି ହୋଇଥିବା ବେଳେ ଦୁଇଟି ଷଣ୍ଢ ମ୍ୟାରେଜ ହଲରେ ପ୍ରବେଶ କରି  ଲଢେଇ ଆରମ୍ଭ କରିଥିଲେ । ଯାହାଫଳରେ ମଣ୍ଡପଟି ଜନଶୂନ୍ୟ ହୋଇଯାଇଥିଲା । ବିବାହର ସମସ୍ତ କର୍ମ ଅଟକି ଯାଇଥିଲା । ୩୦ ମିନିଟ ଘମାସାନ ଲଢେଇ ପରେ ଶେଷେର ଷଣ୍ଢମାନଙ୍କୁ ପରିବାର ଲୋକ ଘଉଡାଇବାରେ ସକ୍ଷମ ହୋଇଥିଲେ । ତେବେ ଷଣ୍ଢମାନଙ୍କୁ ଦ୍ବାରା କେହି ଆହାତ ହୋଇନଥିବା ସୂଚନା ରହିଛି । କିନ୍ତୁ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବ୍ୟୁରୋ ରିପୋର୍ଟ, ଇଟିଭି ଭାରତ